عايز سيديهاتك ..خدها وريحنى

لست واحدا من الناس. اللى مش عاوزة صاحبنا اياه. يرشح نفسه. للرياسة. سواء قرر ذلك. اولم يقرره .. فصاحبنا.. لو رشح نفسه. حتبقى سابقة. وفرجة للى. يسوى. واللى ما يسواش.. بس والله ممتعة.و.. حيخلى
السباق الرياسى. له طعم. ورائحة. ولون. ولا مؤاخذة.. حيخلى سيرتنا. لبانة فى. بق..الناس بره وجوا. وعلى عينك ياتاجر .. وحتبقى فضيحة عالمية. بس لذيذة. وحتنسينى الهم. وابو الهم. وامه كمان. ولو مش مصدق.. خليك معايا. وفى الاخر. رايك فى راسك.تعرف خلاصك. ويمكن يبقى ريسنا الجاى. الراجل.. بتاع السيديهاية اياها ليه لا؟ جربنا من قبله. الملك ابن الملوك. وطردناه شر طردة. ومات مفجوع. ومفروس. اخر فارسة منا. وجربناالعسكر .. ستين سنة كاملة. ونهايتهم زى مانت. وانا عارفين اما: مسمومين. والله اعلم. او مقتولين .او مسجونين؟ عاوزين المرة دى راجل مختلف.. يرقصنا على الشناكل. ومعاه سيديهاية.. لكل مواطن. ولو فكر واحد فينا. انه يلعب بديله. او بحاجة تانية.. غير ديله . يطلعلله السيديهاية. وقتى. ويخليه.. بيتك بيتك. والا الفضيحة. والجرسة. مش مقتنع اقولك : الراجل ده برده. ولا مؤاخذة.. قليل الادب. وده صنف جديد. ما جربنهوش. قبل كده. وده بقى اللى. حيعرف بالتاكيد. وانت مغمض. انه يتعامل.. مع بتوع الميكروباص. والباعة الجائلين.. اللى دمروا .. شوارع مصر. وكمان البلطجية. وهو زى ماانت راسى.. بلطجى ارارى؟ والراجل ده برده.. لسانه زلف. وجاهز بيه. زى الكرباج. للى يفكر . مجرد تفكير. فى الاساءة لمصر. والمصريين.. اللى حيباتوا. كل يوم. من الساعة. ستة بيتك بيتك. وده برده.. توفير للكهربا. بس.. حيعمل.. ازمة فى النسل ؟ والراجل. اللى مش عاجب ناس منا ده عنده.. اسرار. وحكايات.. لسياسيين. ونجوم. ونجمات سينما. وكله.. بالسى دى يا باشا. وبالقانون. يعنى الحكاية. حتتلم بدرى. واللى شايف نفسه. حيسكت. والا؟! والراجل الريس المحتمل برده. ودى ميزة والله. ومش عيب. ملهوش فى التسبيل. وانتو نور عنينا. والذى منه. ولا تحبه النساء. ولكن تخاف منه.. حمش يعنى ؟ وهو برده. ملهوش فى: الشعارات. والعنترية. ولا القومية ولا الملوخية. والعبارات اياها. هو ببساطة.. صاحب نظرية : اللى تعرف ديته .. سجله! عاوزين اقناع. اكتر من كده. حاقولكم : انتخبوه. وان كنتم لسه مترددين. كونوا على ثقة. ان الراجل ده. هو اللى حيحل. مشاكل مصر. من جدورها. وحيقعد الشعب فى البيت. بلا شغلة. ولا مشغلة. وان شاء الله. قبل نهاية. دورته الرياسية. وبعد ما يجيب. د لف البلد. ويبيعها بالجدك حنكون احنا. عزلناه .. و ب... سي دى .. هو برده اللى.. حيسجله على نفسه ؟