البحر مين يضحك عليه ؟ البحر مين يضحك عليه ؟ أو يسحب المية با يديه أو ينده الغواص يساعد ده موجه عاتي من زماااااان والنوة جايه معاه كمان البحر جارنا من زماااااااان ويمكن كمان قبل الزماااااااان عارفينه هادي وطبعه حامي ساعات يثور ..وساعات يجووور بس الأكادة بين يوم و ليلة يرجع كمان هادي وتمام .... البحر عايش من زماااااااااان ماهاجرش من نفس المكان عارف طباعنا بس كان يوم ما يزعل .. أو يثور يخرج علي الجدران يجور ياخد من الشط الأمان وشوية ويعود المكان زي ما كان ... مين دا اللي يقدر يعرفه بيضحك صحيح والحزين البحر مين بيزعله ؟ ياناس شوفوه يمكن يكون أوحتي كان والا الزماااااااااااان أخد حبيبته من زماااااااااااااااااااااااان ومن يوميها وهو يعني ساعات يكون .. وساعات يكون يمسح من الزمن اللي كان جاله في يوم زعله أو حتي حاول مين بس يعنيهان عليه ؟ خطف العروسة من ايديه قدام عينيه من يومها ودا هو اللي كان ساعات يثور وساعات يجور وساعات بيرجع زي ما كان أيام زماااااااااااااان هادي وتمام ... البحر مين يضحك عليه ؟ طول عمره بياخد مننا كل اللي شايفه عندنا كأنه كان عايز يقول أو حتي يحكي من زمااااان عا اللي جري .. وعا اللي كان لماخدوها من زماااااااااان من حضن حضنه وسابوه وحيد ساعات يثور .. وساعاتيجور ساعات وحيد أيام يجيب نوة معاه أو رعد حتي .. وسيل كمان ياناس شوفوه يمكن في يوم تعرفوا أصل الحكاية أو حتي يعني تقدروا تمحو من الذكر ألم الزماااااااااااااان ... البحر مين يضحك عليه ؟ أويسحب المية بايديه ده موجه عاتي من زماااااااااااااااان والنوة جاية معاه كمان البحر مين يضحك عليه ؟