" العنكبوت " و" الوسية " قصيدتان بالعامية المصرية لشاعر السويس الأستاذ الشاعر عاطف تكلا

"العنكبوت" و"الوسية" قصيدتان بالعامية المصرية لشاعر السويس عاطف تكلا
العنكبوت
على باب بيتنا عشش عنكبوت
ومش بيتنا بس
ولا بيت الجيران
العنكبوت عشش على كل البيوت
عشش على كل مكان
وبالعقل والهدوء
وبالعافية والذوق
لا عايز يرحل
ولا عايز يموت
هادي ومحادي على عشه مظبوط
مين يهشه؟
مين ينشه؟
مفيش نبوت
فقط
بطلنا نحلم
بطلنا نموت
دقيقة حداد
دقيقة سكوت

الوسية
البيت بيتي والوريث الوحيد ابني
هو اللي يزرع .. هو اللي يجني
هو اللي يرسم .. هو اللي يبني
وقولوا ما تقولوا
قولوا ما في الخمر
قولو الليل بطوله
انتباه بالأمر
كده أو كده
كلكم على بعضكم
غصب عنكم ح تقولوه
وقولوا
أما عن الفوله في الأرض مكمورة
تطلع تتبت في الأرض
زى زارعها زى أوصولها
زى حاجات ما قدرش أقولها
أما عن الوسية
هي طاحونة هوائية
تدور بيك
تدور بيه
تدور ليك
تدور ليه
تدور عليك
تدور عليّه
من يوم الأرض
هي وسية