نصائح شاهين لاعتصام 30 يونيو :"استحضر النية أنك فى سبيل الله"

أكد الشيخ مظهر شاهين خطيب الثورة اليوم أن هناك 20 نصيحة مهمة فى الثورة المقبلة 30 يونيه أولها الجيش والشعب إيد واحدة، ثانيا الشعب والشرطة إيد واحدة، وثالثا منع أى عنف من أى شخص".
وأضاف - خلال حسابه الشخصي على موقع "فيس بوك" -:"أى حد يلاقى واحد مندس يخرجه بدون عنف، وإن لقيت حد بيتكلم لهجه غير مصريه سلمه لأقرب قسم شرطه واعمل محضر اما الأمر السادس اللى قادر ينزل يروح أى ميدان يروح واللى مش قادر ينزل يقف أمام منزله أو حتى يقف فى البلكونه أو الشباك ومعه قماشة سوداء.وأى حى يوجد به كنيسة أو مسجد تشكلوا لجان شعبية لحمايتها".

وأضاف شاهين : "لو شفت أى حد بيتسلق مبنى حكومى أو مدرسة أو مستشفى أو بنك أمسك به وسلمه لأقرب قسم شرطة واعمل محضر، وأيضا إعمل حسابك إنك ستعتصم سلميا ومش هتروح إلا لما نحقق أهدافنا".
وأردف :"عاشرا خليك بجوار أسرتك أو اصحابك أو اللى تعرفهم طول الوقت فى الإعتصام، وخلى معاك زجاجة مياه عشان لو عطشت تشرب.وحدو الهتافات وخلوا هتافاتكم وطنية.. لا ترفعو إلا علم مصر فقط...ولا تلتفتوا لأى إشاعات مغرضة بهدف تفتيتكم".
وقال الشيخ شاهين: "لا تقابل العنف بالعنف فثورتنا سلمية، و خد معاك شاحن التليفون عشان تكون على تواصل مع اللى تعرفهم، استحضر النية أنك فى سبيل الله ونازل علشان ندافع عن مصر ووعن الإسلام الوسطى ضد التطرف والفشل".
وتابع :"كل مجموعه يكون معاها كشاف إضاءة مشحون عشان الكهرباء لو قطعت لا يحدث هرج فى الظلام وتعرف على المعتصمين معك وتأكد من شخصيتهم بطريقة مهذبه".
أما النصحية الأخيرة التى طرحها الشيخ مظهر شاهين على ثوار مصر بألا يعودوا إلى بيوتهم إلا يعد أن تحقق أهدافهم.