بمناسبة الاحتفال بعيد الأم بعث إلينا الشاعر محمد حلمى مصطفى من الإسكندرية بقصيدة عنوانها "نسمة حنان".. يقول فيها: بحبك يا أمى يا نسمة حنان يا وردة بريئة ف كف الزمان وحبك يا أمى .. بيمحيلى همى ويهدى لحياتى عبير الأمان بحبك يا أمى يا نسمة حنان بتشقى وتشقى عشان تسعدينى ودايما فؤادك بعطفك ساقينى وماسح دموعى .. وصالب ضلوعى وزارع ف قلبى بذور الإيمان بحبك يا أمى يا نسمة حنان عيونك مرايتى وفيها بشوف حقيقة مشاعرى ومن غير كسوف وانقب ف بيرى .. واطهر ضميرى وافتح لفرحة صلاحى البيبان بحبك يا أمى يا نسمة حنان يا أمى الحبيبة يا رمز الوفاء غرامك ف قلبى ونبعك صفاء بدايتك بدايتى .. نهايتك نهايتى يا أغلى الأحبة وعطر المكان بحبك يا أمى يا نسمة حنان