لم يخطر ببال الرئيس مرسي أمس حين ذكر فى خطابه زيادة نسبة المحاصيل الزراعية في مصر، وأعطى المانجو كمثال على ذلك، قائلاً: "إن إنتاجها زاد هذا العام، وانخفض سعرها في الأسواق" أن تلك الكلمة ستفتح الباب على مصراعيه لنيران السخرية وهي الفن الوحيد الذي يكاد المصريون جميعهم يتقنونه. رأى عدد من نشطاء المواقع الاجتماعية فى هذه السخرية "فراغة عقل" بينما رأى البعض أنه تنفيس عن شعور يخالج المصريين فما اتجه الأغلبية إلى أن السخرية حق للمصريين اعتادوا عليه منذ زمن قائلا: إن المصريين كان يتابعون نفس منهج السخرية مع الرؤساء السابقين بداية من عبدالناصر وانتهاءً مبارك وعلى الرئيس مرسي أن يتحمل حس الفكاهة لدى المصريين. وكانت أبرز المشاركات على المواقع الاجتماعية كالآتى: قمة التفاهة عندما يترك بعض المصريين كل شيء ويتحدثون عن المانجا ألستم جزء من الأمة العربية؟؟؟ ... أين سوريا من حساباتكم يا شعب مصر؟؟ أحب أقول لكل الناس اللى عمالة تهيس على مرسى لما قال المانجا كم أنتم تافهين!! جد شوية بقا.. اغلب الناس اللي بتتريق عليمرسى عشان المانجا مشفوش الحوار اصلا . كتنا نيله شعب غاوي لغوصة بس! اللي مش قادر يفهم نكاتالمانجا يبقى فقد أجمل ما يميز المصريين، الشعب ده نكت على عبد الناصر والسادات ومبارك وبينكت على روحه ،اشمعنى مرسي. احنا فعلاً شعب تافه علشان نسيب كل الكلام اللي قاله الرئيس ونمسك في المانجة.. مفروض نتأمل كلامه كويس يمكن نلاقي فيه انواع فاكهة تانية. النظام القديم وفر لنا الكوسا والنظام الحالي وفرلنا المانجا.. عايزين أيه تاني يا طفسين؟ سيادة الفنان الرئيس مرسي: المانجا ما رخصتش في عهدك.. دي كل حاجة تانية هي اللي غليت. سلام جمهورية مصر العربية الجديد... آه يا ليل يا قمر و المانجا طابت ع الشجر ما بين نهضةالمانجا وابن الدكتور محمد مرسى اللى بيشتم ، مصر اختارت طعمالليمون. فعلاً سعر المانجا فى عصر النهضة بقى في متناول الجميع ده بقى أرخص من رغيف العيش، ده أنا بغمس الفول بالمانجا دلوقتي. فكهاني و بحب الفاكهة و بموت ف الموز والمانجا من قائل هذا الكوبلية.. 1. مرسي 2. الحاج محمد مرسي العياط 3. سيادة الرئيس يا بغل! كل أصحابي فيالسعودية قرروا يرجعوا بعد خفض سعر المانجا. هو احنا منتخبين مرسي علشان المانجا ترخص، كنا انتخبنا فكهاني من سوق العبور احسن!! أهم حاجة أنه ما حدش ييجي جنب المانجا..لا مساس بالمانجا كأهم إنجازات المرحلة. وأنا اللي كنت مفكر إن المانجا غالية وأبويا مبيجيبهاش!! طلع إن أبويا هو اللي مبيحش المانجا شكراً يا ريس أنا أطالب الرئيس بخفض سعر علبة الكانز عشان انا مدمنة بيبسي ومابحبش أم المانجا. المانجا اللي علي التايم لاين اكتر من المانجا اللي في سوق العبور بيت بيت .. دار دار ... مانجة مانجة !! تحيا جمهورية مصر المانجاوية المانجاوالشعب إيد واحدة أنا كنت بحب المشمش دلوقتي بموت فيالمانجا المانجا معيار جديد لقياس مدى تحسن الأوضاع المعيشية يقترحه د. محمد مرسي بعد معيار كمية السيارات في الشوارع لأحمد عز..أسفين يا أماتيا سن على فكرة المانجا أصلا حرام!!! المانجا والنهضةحاليا بالاسواق المانجا من أبو عدنان كل وغيظ الامريكان ! نهضه دى ولا مش نهضه يا متعليمن يابتوع المدارس وبما أن التايم لاين كله عن مرسى وعن المانجا فحكمة اليوم أن "الحياة مانجا"ا بمناسبةالمانجاأنا كنت فى سبينيس من يومين وملقتش ولا مانجا هندى ولا الفونس...والعويس كانت ب 16 جنيه .. وديتى المانجا فين يا حكومة؟؟؟