عمرو أديب: أنا بكره مبارك أكتر من أي شخص.. ده راجل زي الزفت

_ في تعليقه على واقعة ولادة سيدة بكفر الدوار في الشارع، شن الإعلامي عمرو أديب هجوما حادا على الرئيس الأسبق محمد حسني مبارك، مشيرا إلى أن المستشفى التي رفضت ستقبال السيدة، من مدرسة مبارك، على حد قوله.
أديب قال، في برنامجه "القاهرة اليوم" على قناة "اليوم"، مساء اليوم، الأحد: "ييجي حد يقولي حرام مبارك، حرمت عليك عيشتك، مبارك عيشنا في 30 سنة زبالة، مبارك هيذلنا عشان الضربة الجوية الأولى؟، ده عيشنا 30 سنة زي الزفت، وجاب البلد على الأرض، وفي ناس هتخرج وتقول حرام عليك، يولع مبارك، وهو اللي طلع عين أبونا كده".
وأضاف: "كلنا عارفين أن عصابة كانت تحكم مصر في عهد مبارك، وكان هيجيب ابنه ويلبسنا فيه، والمستشفى اللي رفضت استقبال السيدة، من مدرسة مبارك، ودول موظفينه، عيشوا بقى وفوقوا، وإزاي رئيس يدي حوار لصحيفة، والخرا اللي إحنا فيه ده من مبارك وعائلته وعصابته".
وتابع: "أنا بكره مبارك أكتر من أي شخص، والثورة قامت عليه عشان نانوس عينه ابنه جمال، ويقولوا ده رئيسنا، ده نيلة وساب البلد حالها مقرف، لا في كهرباء ولا مياه، وكان عهده الناس بتاكل زبالة، ده أنا هموت، وهو لسه عايش، ده راجل زي الزفت، وإحنا بنشرب فساد مبارك منذ 30 سنة، وال3 سنوات الماضية، وإزاي البيه يقول حوارات وهو في السجن، وأنا لا بيهمني مبارك ولا عصابته، ولا أي حد تبعه، كلهم عصابة سرقت بلدنا".