مرتضى منصور يعلن تراجعه عن خوض سباق انتخابات الرئاسة وتأييده للسيسي

أعلن مرتضى منصور، رئيس نادي الزمالك، اليوم، السبت، خلال مؤتمر صحفي، تراجعه عن خوض سباق الإنتخابات الرئاسية، مشيرا إلى أنه سيؤيد المشير عبد الفتاح السيسي.
وأضاف منصور أن قرار إنسحابه يرجع إلى أنه رأى منامًا بعد صلاة الفجر، موضحا "حلمت إني راكب أتوبيس وداني لمنطقة فم الخليج، وفجأة لاقيت اتنين جيش جنبي واحد عميد والتاني عقيد، قالوا لي إحنا رايحين مصر القديمة مش مصر الجديدة، حسيت إن الإتنين بيمثلوا المشير السيسي".
وقال منصور "أقول للمشير السيسي أنا أؤيدك كمرتضى، لكن البعض في حملتك ليس على المستوى المطلوب، البعض في حملتك النفاق ظاهر فيهم، مفيش حاجة اسمها السيسي هنرشحه غصب عنه، السيسي بشر".
وتابع: "مش هدي صوتي لبني آدم بيقول أنا مرشح الثورة وجاي أقضى على فلول الحزب الوطني، وخد 4 مليون جنيه من رجل أعمال من الحزب الوطني، أنت مرشح الثورة ولا من الباطن حزب وطني، حضرتك بتقبض من ناس في الحزب الوطني".
وأضاف موجهًا حديثه إلى المرشح الرئاسي المحتمل حمدين صباحي: "لقاؤك مع اللواء مدحت عبد الحميد في مقر أمن الدولة لما استدعاك بخصوص المسدس الدهب الخالص اللى أخدته من صدام حسين ثم انقلبت عليه، رحت لمعمر القذافي، قول للشعب خدت إيه من معمر القذافي، وقفت مع بشار الأسد طلعته السما ثم انقلبت عليه، في إقرار الذمة قولت عندك 7 آلاف جنيه، اللى ولدوا عربية مرسيدس، دول منين".
واختتم حديثه: "أيها المناضل حضرتك لما اتحبست اتحبست ليه، وأنا اللى طلعتك وقتها".