مؤسس «تمرد»: الشعب هينتخب السيسي بإرادته «ووروني هتمنعوه إزاي»

طالب مؤسس حركة "تمرد"، اليوم السبت، الفريق أول عبدالفتاح السيسي، وزير الدفاع والإنتاج الحربي، بالترشح لرئاسة الجمهورية.
واعتبر بدر، عبر حسابه الشخصي على موقع "فيسبوك"، مساء السبت، أن الشعب سينتخب السيسي بإرادته، مخاطبًا الرافضين ب"وروني هتمعنوه إزاي".
وكتب مؤسس الحركة: "على فكرة مخضعتش لابتزاز تجار الدين أو تجار الثورة، ومفيش فرق بين اللي شايف نفسه صح والباقي كفرة واللي شايف نفسه ثوري والباقي خونة".
ثم تابع: "ومفيش فرق بين الخروف اللي قال على الشعب جاهل والخروف اللي لما اختلف مع اختيار الشعب شتمه، خليكوا أنتوا اشتموا عالفيس وخلونا أحنا نسمع للناس اللي شايلة الطين ومتعرفش يعني أيه أنت أصلًا، يا بتوع الديمقراطية، الشعب هينتخب السيسي بإرادته، وروني هتمنعوه إزاي".
وكان الفريق السيسي ردّ على مطالبات الحاضرين لندوة التثقيفية نظمتها القوات المسلحة، السبت، بترشحه للرئاسة، قائلاً: "ليس لي ظهر علشان أعطيه لمصر، ولكي نكون منصفين لا يستطيع أحد الحديث باسم المصريين، المصريين لما عازوا نزلوا، وليس هذه دعوة لأحد أن ينزل أو لا ينزل".