عاجل : عضو الالتراس يدلى بشهادته لرصد حول الاحداث التى حدثت أمام وزارة الداخلية

كتب محمود علام ..
مصطفى تيفا (عضو الالتراس ) يدلي بشهادته حول ما حدث معه :
اللى حصل بالظبط , على الساعة 2 اتفقنا اننا هننقل كل تحركنا من شارع الجامعة الامريكية الى وزارة الداخلية " مع الاستمرار فى سلمية المسيرة "
فى الطريق قبل الشارع بتاع الوزارة انضملنا ناس شكلها غريب جدا ولابسين عكسنا خالص وطريقة الكلام ... وبيقولوا " هنجيب حق الى اتحبسوا " وفى ناس منهم كانت لابسه جلابيات
و احنا ماشين بنقول " سلمية سلمية شمال يمين خرجوا المحبوسين " فجاة الناس الي انضمت الينا بدات ترمى زجاجات واحنا متفقين ان احنا مش هنعمل حاجه علشان الناس الى محبوسه تخرج .
وناس تانيه من بره كانت بتقول "الالتراس بيضرب الناس عند الداخليه " المهم دخلنا وسط الناس وهديناهم وخدنا الناس الى بتكسر وكلمناهم و مفيش فايده
بعدها انسحبنا علشان الوضع ميطورش ومشينا وكملنا اليوم فى شارع الجامعة الامريكية بس كنا بنبعت فرق استطلاع عن الوزارة تروح تشوف فى ايه هناك وترجع ولحسن حظى روحت وكان معاى 2 ميديا التراس.
و احنا بنصور هناك واحد بيقولنا نو ميديا قولتله انتو مين قالنا " احنا التراس " قولتله تبع سكشن ايه معرفش يرد طيب مين الكابو بتاع معرفش يرد !
عرفت على طول انه مش التراس .. و حصل خناقة بينا وببينهم وقفنا على جنب بنكلم ناس بتقولنا "احنا جايين نقف مع الالتراس هنا وانشاء الله ربنا ينصرهم بس مش حلو الى هما بيعملوه دا تصرف همج "
بدانا ندور وسط الناس على حد التراس مفيش خالص غير 2 كانوا لبسين تى شيرت اهلى بيقولوا التراس برده بكلمه وبسئله عملت عليه حوار وفهمته انى من قناة تلفزيونية وكنت عاوز اعمل حوار معاه راح قالى " انا موافق " مع العلم ان الالتراس كان مانع اى احديث مع اى قناة تلفزيونية .
المهم على الساعة 5 ونص كدا لقينا ناس بتقول ان واحد من الالتراس وقع من على السور وهو بيشيل شعار الداخلية روحنا نشوف لقينا .. واحد من ناس بتوع اسفين ياريس احنا عرفينه " للاننا ضربينه قبل كدا وكان مدسوس والله وسط الناس وفى ناس كتير والله مش ثوار ولا اهالى محبوسين "
دي ناس غريبة بلطجية متاجرة للان مش دي عقلية الالتراس خالص ...وهبعتلكو الصور عشان تتأكدو ... عضو التراس