بالفيديو.. مفيدة شيحة تروي تفاصيل زواجها من طليقها لأول مرة

أكدت الإعلامية مفيدة شيحة أنها أخطات عندما لم تستمع إلى نصيحة والديها فيما يتعلق بزواجها من طليقها السابق، وأبدت ندمها على ذلك القرار قائلة: "دي كانت غلطة عمري.. ويا ريتني كنت سمعت كلام بابا وماما".
وأضافت مفيدة شيحة، خلال تقديمها برنامج "الستات ميعرفوش يكدبوا" على قناة "سي بي سي"، "أنا قصتي مختلفة، وأندم فعلًا إني مسمعتش الكلام، وكان والدي ووالدتي رافضين تمامًا الجوازة دي وشايفنه لا يصلح أدبيًا ولا مكانة ولا مستوى ولا أي حاجة، وأنا كنت نقطة ضعف بابا واتعاملت معاه بذكاء المراهقين والشباب عشان أقنعه، وهو وافق عشان ما اقولش له إنه حرمني من السعادة".
وتابعت: "عاوزة أقول لكل البنات: أنا غلطت غلطة عمري إني ماسمعتش كلام أبويا وأمي، وعلى الأب والأم بيبقوا فاهمين ولازم نعرف كده، وأنا كنت أتمنى إن بابا كان يفضل متسمك بوجه نظره إنه يرفض طليقي وما يسمعش كلامي".