نوارة نجم: اللي عايز نصيحتي.. خليك في حالك

وجهت الكاتبة الصحفية نوارة نجم، عدة رسائل للمواطنين تحت مسمى “,”خليك في حالك“,” تحدثت من خلالها عن الأحداث الحالية في مصر، مؤكدة أن الصراع الدائر في البلاد هو على السلطة ولا نستطيع كمواطنين تحديد من الطرف الصحيح في هذا الصراع.
وكتبت نجم عدة تغريدات على موقع التواصل الاجتماعي “,”تويتر“,”، قائلة “,”اللي عايز نصيحتي: خليك في حالك، طرفين مسلحين، الاتنين كدابين، الاتنين بيتصارعوا على السلطة.. مالكش فيه، أنت معاك سلاح؟ أنت عندك مصدر تقدر تعرف بيه الحقيقة بين كدب الاتنين؟ أنت عايز سلطة؟ يبقى خليك في حالك“,”.
كما أضافت “,”في طرف مدرب شغلته يمسك سلاح، وطرف ماسك السلاح فتونة، طبيعي المدرب يكسب الحرب.. بس دي مش معركتك أساسًا، بالنسبة للي عايزين يولولوا ويعملوا فيها بني ادمين عشان الموضوع بيأكل عيش، أنت مالك بيهم؟ ما تسيبهم في حالهم؟ ما امبارح شوفت إنهم مش مؤثرين“,”.
وتحدثت عن مهاجمة وزير الداخلية، محمد إبراهيم، من قِبل بعض المؤيدين لمحمد مرسي وجماعة الإخوان المسلمين، قائلة “,”على فكرة ده وزير داخلية الإخوان بتاع شنيعاء اللي لما قتل البورسعيدية الإخوان فرحوا وقالوا عليه واجه الشغب باحترافية.. خليك في حالك، واللي عايز ياكل عيش ما تسيبه ياكل عيش يا أخي أنت مالك؟ يعني كل اللي نزلوا امبارح دول مش عارفين إن ده هيحصل؟ وموافقين عليه؟ ما تخليك في حالك، الملايين اللي نزلت امبارح دي بلدهم وهم اللي يقرروا فيها، والطرفين المتصارعين الاتنين قتلوا لك صحابك.. ما تقعد تشوف مسلسل آسيا وتنبسط“,”.
وأكدت نجم في نهاية رسائلها على المواطنين ألا يشبهوا قتلى الإخوان بقتلى محمد محمود “,”بالنسبة بس للي بياكلوا عيش، كلوا عيش زي ما أنتوا عايزين وأنا مستعدة أحوش عنكوا، بس خصيمكوا النبي ما تشبهوا الإخوان باللي ماتوا في محمد محمود، كله بياكل عيش.. سيبوا لنا ذكرى صحابنا مش ملوثة، وما تاكلوش عيش بيها.. أو اعملوا كده بقى وقابلوا، أصل أرواح محمد محمود بتنتقم لنفسها.. والله“,”.