وليد طلع جعان!

اتفضل يا حبيبي كل كنافه...واشرب العصير.. متتكسفش
والله أنا سعيد أني قاعد مع حضرتك يا طنط سهير ومعاك يا عمي وليد
-واحنا اسعد يا حبيبي..
بجد انتوا عيله تشرف...هي دي العيله اللي بحلم بيها... ادب ودين واصل وتواضع
-حبيبي ده بس من زوقك انت اللي ابن ناس ومحترم
في الحقيقه يا عمي... انا جاي طالب القرب منك...في بنت حضرتك الانسه تقي...ياه على الاسم كله عفاف وأخلاق بجد
+عمو وليد: ربنا يكرم أصلك... بص يا ابني..أنا مش هقولك هات شبكة والكلام الفاضي ده كله...يادوب دبله ولو ربنا كرمك هات محبس
++طنط سهير: وليييد !
= الله عليك يا عمي...طب والشقه !!
وليد:عندك شقة خير وبركة...معندكش... مش مهم... ممكن تتجوزوا في اوضتك في بيت أهلك لحد ماربنا يكرمك..المهم بنتي تبقي سعيدة ومبسوطة
سهير: وليييييييد !!
= يا حبيبي يا عمي:))))... طب والمهر ؟!
وليد:مهر بنتي... سورة الكوثر عشان متقلش عليك في الحفظ... وعشان تبدأوا حياة كلها بركة
سهير: وليييييييييييييييييييييد !!!!
= مش مصدق بجد !! لسه في ناس كده !!! طب والخطوبة ؟!
وليد:الخطوبة عليا أنا هدية مني ليكم
سهير: ولييييييييييييييييييييييييييييييد !!!!!!
طب والفرح والكوشة والكلام ده !!
الفرح الحقيقي...يوم دخولك عليا بيتي تطلب ايد بنتي
سهير: ايه ده كله ياوليد!!!!!!!!!!!!!!!!!!!!!!!!!!!!!!!
سهير: وليد انت جعان ؟!
+ اه
خد كنافة ؟!....... ها أحسن ؟!
وليد: اه أحسن...الشبكة ب 50 ألف والشقة في ماونتن فيو والفرح في ماريوت الزمالك... شاري ولا تقوم تروح