الفيلم الإباحي

المواطن الغلبان حسن حصاوي يغشي عليه من حين لآخر، وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي عليه.
المثقف جالس يدخن بشراهة ويهز رجليه بتوتر، يدخل حصاوي ويتجه إليه
حصاوي: شفت الفيلم الفضيحة اللي اتعرض على قناة (القاهرة والناس) ليلة الجمعة اللي فاتت؟
المثقف: لأ فيلم إيه؟ أوعى يكونوا صرحوا بفيلم حلاوة روح.
حصاوي: يا ريت دا أسخم وأضل سبيل.
المثقف (باهتمام): لا يا شيخ، فيلم إباحي يعني؟
حصاوي: هو أبيح وبس. دا مسخرة.
المثقف: طب وإزاي قناة زي القاهرة والناس تذيعه على الملأ.. وممكن العيال الصغيرين
يشوفوه ويفسدا أخلاقهم.
حصاوي: بالعكس دا بيفتح عينيهم على الحقيقة اللي لازم يعرفوها.
المثقف: أخرس، الأفلام اللي زى دي لازم ما يشوفهاش غير البالغين.. ما تعرفش هيعيدوا
إذاعته تاني أمتي؟.
حصاوي: اطمن تقدر تشوفه على الفيس بوك وتويتر.. وتسجله عندك كمان.
المثقف: هدور عليه من الليلة دي.
حصاوي: أكيد هتعتر فيه.
المثقف: طب أما أقوم أروح بقى.. قولي أكتب إيه على النت عشان أشوفه؟.
حصاوي: أصبر على بختك.. ما تبقاش زى المراهقين.
المثقف: طب أنت معاك نسخة منه سي دي؟
حصاوي: وتدفع كام؟
المثقف: يا ضلالي أنت مش شفته ببلاش؟
حصاوي: أنا خايف عليك تتصدم ومزاجك يتعكر.
المثقف: ومين الفاجر اللي نزله على تويتر وعلى والفيس بوك؟.
حصاوي: هو ما كانش بيتذاع كتير.
المثقف: مين اللي كان مانع نزوله.. أكيد رقابة المصنفات الفنية اللي منعوا فيلم حلاوة الروح.
حصاوي: لأ دول اللي ماسكين العصايا دايما من النص.. الله يسامحهم بقي.
المثقف: طب قولي اسم الفيلم وأنا أعرف أجيبه من تحت طقاطيق الأرض.
حصاوي: بس أنا خايف عليك تتصدم.
المثقف: ليه بقى؟.
حصاوي: أصله ما يصحش يشوفه اللي زيك.
المثقف: أنت بتهزر معايا؟
حصاوي: اسمه يا سيدي حمدين والإخوان.. ارتحت؟
المثقف: دا ما يبقاش فيل أبيح.
حصاوي: لا أبيح قوي.. هو فيلم فيديو ومدته قصيرة.. بس مضحك جدا.. لكن ممكن يخلي اللي
زيك يعيط.
المثقف: ما طلعش زرابيني.. أتكلم الفيلم أو الشريط دا فيه إيه بالظبط؟
حصاوي: فيه قصة غرام بين الإخوان وحمدين صباحي.. أيام ما كانوا سوا في مجلس الشعب
وأيام ما عملوا تحالف مع بعض.
المثقف: أنا ما أصدقش الكلام دا.
حصاوي: يمكن تلاقيك ناسي بس. دا كان ناقص يسموه تحالف الإخوان والناصريين.
المثقف: كذاب.. لا حمدين يحط إيده في أيدهم لأنه ناصري ولا الإخوان يقبلوا بالناصرية.
حصاوي: أنت نسيت أن عبد الناصر تحالف معاهم من قبل 52 وفضل معاهم في أول سنة
ونص؟
المثقف: بالعكس هو اللي حبسهم وسجنهم وشنقهم.
حصاوي: والسادات هو اللي طلعهم من السجون بس قتلوه.. وعبد الناصر ما حاربهمش غير
بعد ما ضربوا عليه 8 رصاصات ومبارك قعد يلاعبهم يمين وشمال لحد ما ساهمه في وقوعه.
المثقف: أنا مش هناقش واحد زيك.
حصاوي: ما هو أنت ما تقدرش تناقشني.. زيك زى الشبان المضحوك عليهم اللي محدش قالهم تاريخ الإخوان في التحالفات وبعدين يغدروا بحلفائهم.
المثقف: وليه ما يكونش دا كله صور ملفقة ودعاية مسمومة؟.
حصاوي: بيني وبينك الفيديو مسجل الوقائع صوت وصورة لحمدين والإخوان وهما
بيتبادلوا الأحضان ونازلين بوس في بعض زى العشاق والمغرمين وحمدين بيقر أن لهم حق الترشيح والعمل بالسياسة وعدم إقصائهم.
المثقف: أنا أطعن في الفيديو دا، لأن ممكن تزويره ومش بعيد الدولة تزور نتيجة الانتخابات كمان.
حصاوي: الكلام دا قاله الإخوان وطلع أنهم هما اللي زوروها والقضية منظورة قدام المحكمة.وإذا كان الحكاية كده له حمدين: هينزل الانتخابات من أصله؟ وليه أنت هتنتخبه؟
المثقف: ومين قالك أني هنتخب حمدين؟
حصاوي: دفاعك المستميت عنه.
المثقف: إطلاقا، أنا ما رضتش أنتخبه لا المرة اللي فاتت ولا المرة دي.
حصاوي: عشان إيه بقى؟
المثقف: لأني منشغل بتأليف كتاب ضخم أكشف فيه لشبابنا الثائر كل المغالطات وأوعيهم بالمرحلة اللي بنعيشها.
(حصاوي يغشي عليه)
هرش مخ
الأحد 25 مايو 14
1 صدق أو لا تصدق
بعض الإخوان يفكرون في العفو عن مرسي وأعوانه، مقابل توقفهم عن العنف.
والنيابة تبحث حبس بقيتهم!.
15
2 تفكير عميق
أمريكا لسه بتفكر تعاقب مصر. ولا تصهين؟ ومصر تستكمل المفاوضات لشراء السلاح الروسي!.
تعظيم سلام!
17
3 الجوائز
أحد الكتاب يهاجم السيسي ولا يهاجم الإخوان الذين يقتلون المصريين يوميا.. الظاهر منشن على جائزة تانية من أمريكا!.
19
4 لو
لو كان المرشح حمدين قال لنا اسم الجريدة التي هيشتغل فيها لما يسقط في الانتخابات
يمكن كنا رشحناه!.
18
5 قصده إيه؟
الناس فهمت المرشح حمدين بالخطأ.. فعندما أعلن عن محاربة الفساد كان يقصد الذين قبضوا من صدام والقذافي!.
17
6 الإساءة
الكثير انتقدوا عبد الناصر ولكن بعض الذين دافعوا عنه أساءوا إلى ذكراه عندما
رشحوا أنفسهم على نفس المبادئ!
18
7 اجتماع سري
للتنظيم الدولي للإخوان يفكر في تصعيد وجوه جديدة. لو بس ينتظروا نتائج الانتخابات،
يقدروا يكتشفوا رئيسهم القادم!
17