الفاضي يعمل مرشَّح

(المواطن الغلبان حسن حصاوي يغشى عليه من حين لآخر، وعندما يفيق لا يفهم ما حدث حوله من تغيرات ولكن أحيانا يجعل مَن يسمعه هو الذي يغشى عليه).
( المثقف جالس على المقهى يضرب كفا بكف).
المثقف مش ممكن.. مش معقول.. أول الله يا رب.
حصاوي إيه حصل إيه؟
المثقف حصل أن التليفزيون واخد صف السيسي ومنحاز له بوضوح ضد حمدين.
حصاوي أنا شايف أنهم بيعملوا مقابلات مع الاتنين. وبيصوروا اجتماعاتهم.
المثقف بس القنوات الفضائية مش عاملة كده.
حصاوي أبدا حتى القنوات الفضائية بتقلد التليفزيون المصري.
المثقف: إطلاقا دا مش صحيح. أنا متابع كل القنوات كلها بتتكلم عن السيسي.. السيسي.
حصاوي: الظاهر أنت مش واخد بالك وبتابع مقابلات السيسي بس. قل اعترف.
المثقف عشان أنا عارف تاريخ حمدين لكن مضطر أتابع السيسي عشان أعرف دا مين.
حصاوي ما تسأل الملايين اللي طلعوا له في الميادين وطلبوا منه أنه يرشح نفسه.
المثقف أنا ما أسألش حد غير نفسي.
حصاوي طب والجرايد والتليفزيونات العالمية مش هي برضه اللي بتتكلم عنه ليل نهار؟
المثقف وأنا مالي بيهم؟
حصاوي طب ما بيتكلموش على حمدين ليه؟ هما كمان معاه وبيأيدوه ضد السيسي؟
المثقف: لا لكن عمالين يقولوا إنه هو اللي هيكسب الانتخابات ويكتسحها.
حصاوي طب ما يقوله. هو الشعب الغلبان بتاعنا بيقراهم ولا بيتفرج عليهم عشان يتأثروا.
الكلام ده؟
المثقف بيسمعوا من الناس اللي بيقروهم ويترجموا لهم.
حصاوي وأنت زعلان ليه؟ أعمل لك قناة فضائية أو قناة أجنبية وقول اللي أنت عايز تقوله.
المثقف وفين المساواة بين المرشحين؟
حصاوي المساواة موجودة عندنا، دا المذيعين واللي بيقدموا البرامج بيتكلموا عن الاتنين.
بحياد: خايفين يقولوا رأيهم.
المثقف: قصدك بيتظاهرون بكده. لكن حد فيهم أحرج السيسي بأسئلة مهمة؟
حصاوي يمكن لكن شفت حد منهم سأل حمدين أسئلة محرجة؟
المثقف زي إيه يعني؟
حصاوي: زي مثلا هو بيشتغل إيه؟
المثقف يكفي أنه رجل ثوري.
حصاوي يعني مافيش في مصر حد ثوري غيره؟ دي مصر ثارت مرتين وضحوا ومات.
منهم كتير. ولا دول مش ثوريين؟
المثقف ثوريين وأغلبهم وبالذات من الشباب اللي هينتخبوه.
حصاوي: طب وأنت مزعل نفسك ليه بقى؟ وبعدين أنت برضه مارضيتش ترد عليّا وتقول لي هو شغلته إيه؟
المثقف: وأنت مالك ومال شغلته؟ ما دام ثوريا يبقي هو اللي يقدر ينتشل مصر من الظلم اللي واقع على الشعب المصري.
حصاوي لأ أنا تأكدت دلوقت أنك ما بتتفرجش على حمدين ومشغول بالسيسي، وإلا كنت جاوبت على سؤالي هو بيشتغل إيه.
المثقف: وهو حد سأل حمدين وما ردّش؟
حصاوي: ما حدش من السادة المذيعين سألوه عشان يمسكوا العصاية من النص. لكن واحد مواطن عادي من بنها سأله وهو في المؤتمر الانتخابي اللي كان عامله وقال له.
( أنت بتشتغل إيه، لأن من العار أنه يكون مرشح للرئاسة لا يعمل).
المثقف: وبعدين؟ حمدين قال له إيه؟
حصاوي: أولًا قاله (أشكرك، وأرحب بك في وسط أهلك وناسك) هاها.
المثقف: وإيه اللي بيضحك في كده؟
حصاوي: اللي بيضحكني أنه عمل نفسه مؤدب مع أن الراجل كان بين أهله وناسه مش في عزبة السيد حمدين. ولما كان لازم يرد على سؤاله قال (أنا أعمل صحفيا كفؤا وعضو بنقابة الصحفيين وأكسب من عرق جبيني).
المثقف: وإيه الغلط في كده؟
حصاوي:الغلط أنه أتكلم عن نفسه بغرور وماشرحش الكفاءة دي في إيه؟ ومين إداها له مع أن ماحدش سمع عن كفاءته. ثانيا لما يقول عن نفسه أنه كفء يبقي مغرور ولا مؤاخذة.
المثقف يكفي أنه رد على المواطن بكل الأدب.
حصاوي: أه بس فورا رجالته وأنصاره شالوه وطردوه خارج المؤتمر.
المثقف أولا هو كان صحفيا سياسيا. وكان بيعارض النظام بقوة.
حصاوي بس ما قالش صحفي فين وفي نظام مين؟ القذافي ولا صدام ولا الأسد؟
المثقف وإيه اللي دخل دول في الموضوع؟
حصاوي: اسأل المذيعين ومقدمي البرامج اللي أتكلموا عنه أو حاوروه باعتباره صحفيا كفؤًا وطنيا من الطراز الأول.
المثقف: قصدك إيه بالظبط؟
المثقف: الظاهر عمرك ما قريت الجرايد العربية اللي كانت بتطلع وكان بيكتب فيها أو بيكتب لها بكفاءة.
(المثقف يغشى عليه).