المرشح المثالي

"المواطن الغلبان حسن حصاوى يغشى عليه من حين لآخر، وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي علي".
"حصاوي يدخل المقهى فيجد المثقف يزفر بضيق وعصبية ويلقي الجريدة من يده"
حصاوي "وهو يجلس بجواره": مالك متعكنن ع الصبح؟
المثقف: أنا مش فاهم إيه اللي بيحصل في بلادنا ده.. دي مهزلة.
حصاوي: حصل إيه بس؟
المثقف: الفريق عناني انسحب من ترشيح نفسه لانتخابات رئاسة الجمهورية. تصور؟
حصاوي: يا خبر أبيض بجد الكلام دا؟.
المثقف: أيوه.
حصاوي: هو كان مرشح نفسه؟ أنا ما سمعتش.
المثقف: عشان أنت مش متابع الأخبار ولا بتفهم في السياسة.. كان خلاص ناوي يترشح
وبعدين فجأة أعلن انسحابه.
حصاوي: تقصد حد منعه أو هدده لو أترشح؟
المثقف: لا.. إنما ناس ولاد حلال قعدوا 6 ساعات يلحوا عليه لحد ما أقنعوه في الآخر وهو طلع وقال أنه خد القرار دا عشان الأصوات ما تتتفتش حرصا على وحدة البلد.
حصاوي: يبقي عداه العيب. دا لام الناس دول بيحبوه قوي وعملوا فيه طيب.
المثقف: دا ما كنش لسه رشح نفسه تقريباعشان ينسحب.
حصاوي: عرف غلطته في الوقت المناسب، ثم أنت زعلان ليه؟ هو حر يرشح نفسه أو
ما يرشحش.. أنت كنت ناوي تنتخبه؟
المثقف: أبدا.. لكن بالشكل دا مش هيبقي فيه ناس كتير يرشحوا نفسهم.. الأجانب يقولوا علينا إيه؟ ما عندناش ديمقراطية حقيقية؟
حصاوي: لا أطمئن المجانين عندنا كتير.. وباب الترشيح لسه ما اتفتحش أصلا.. ثم أمريكا
بينزل في الانتخابات أتنين مرشحين وما بنسمعش عن حد غيرهم.
المثقف: مالناش دعوة بالأجانب.
حصاوي: أنت مش لسه قايل الأجانب يقولوا علينا إيه؟
المثقف: ولو.. نبقي إحنا أحسن منهم؟.
حصاوي: ع العموم لسه عندنا حمدين صباحي.
المثقف: للأسف لسه بيدرس وجايز ينسحب هو كمان، وتبقي مصيبة.
حصاوي: زعلتني يا راجل.
المثقف: معاه حق.. لأن فيه اتجاه يحصنوا قرارات اللجنة العليا للانتخابات.
حصاوي: طب إيه اللي مضايقه؟
المثقف: الخوف أن اللجنة لأن عندها حصانة لقرارها يقوموا يزورا الانتخابات.
حصاوي: وهو فاضل مين؟
المثقف: المشير عبد الفتاح السيسي طبعا.
حصاوي: وهو محتاج تزوير؟ دا معظم الناس هي اللي بقالها مدة بتقول لازم يترشح.
المثقف: وأجنا نمشي ورا الناس وخلاص؟
حصاوي: أمال نمشي ورا مين؟
المثقف: ورا العقل ورا المنطق.. ورا اللي يقدر يقود البلد إلى الأمام ويحقق أمانيها.
حصاوي: وأنت أيش عرفك أن الناس شايفه فيه كده وعايزين يرشحوه؟
المثقف: المهم يكون الانتخاب بنزاهة وشفافية.
حصاوي: وإيش ضمنك أن اللجنة التانية اللي بدل اللجنة العليا مش هتزور النتيجة لصالح حمدين؟
المثقف: مش ممكن دي لجنة من القضاة المحترمين.
حصاوي: واللجنة العليا مش لجنة من القضاة المحترمين وكلها من قضاة المحكمة الدستورية العليا؟ ولا أنت عايز كل مرشح يفضل يعارض أي إجراء ونفضل شهور طويلة لما روحنا تطلع؟
المثقف: دا أنت اللي طلعت روحي أنا.
حصاوى: استنى أنا لقيت لك الحل.
المثقف "ساخرا" إيه يا عبقري زمانك؟.
حصاوي: الحل أنت ترشح نفسك.
المثقف: أنا؟
حصاوي: ليه لأ؟ ع الأقل أنت راجل مثقف وسياسي ووطني.
المثقف: أنت بتتكلم جد ولا قاصدك تهزر وتتريأ عليا؟
حصاوي: طبعا.
المثقف: طبعا إيه؟ بتتريأ عليا؟
حصاوي: طبعا لأ.
المثقف: وتفتكر ما يزوروش النتيجة ضدي؟
حصاوي: أهو نجرب.. أنت خسران إيه؟،
المثقف: بس أنا ممعاييش فلوس أعمل دعاية بعشرين مليون جنيه؟.
حصاوي: اعمل اكتتاب شعبي، واطلب من الناس تدعمك ولو كل واحد يتبرع لك بجنيه.
المثقف "مفكرا": وتفتكر ممكن أكسب الانتخابات؟.
حصاوي: أنا مستعد أحلف لك أني هديك صوتي.
المثقف: صوتك أنت بس؟
حصاوي: أمال عايز تنهب؟ كفاية صوت واحد ولو حطيته عليه صوتك يبقي صوتين.. بس أنا أفضل ما تديش صوتك لنفسك عشان يبقى منظرك حلو وتبقي جت منك أصلك مش هتاخد أصوات أكتر من كده!.
"المثقف يغشي عليه".
578
هرش مخ
1 تهديد شديد
حمدين صباحي يبحث الانسحاب من انتخابات الرئاسة إذا تم تحصين اللجنة العليا للانتخابات.
يا خبر أسود ومهبب.. يا لهوتي.. يا خرابي!.
21
2 اللي عارف
إذا انسحب حمدين بالفعل من الترشيح، يشتغل إيه بعد كده؟ اللي عارف كان بيشتغل إيه أصلا
يقول لنا وله جائزة ثمينة؟!
22
3 خبر للنشر
مدفعية إسرائيل وطائراتها تهاجم موقعي تدريب تابعين لسرايا القدس ردا على قصف صواريخ
عليها.. حماس لن تسكت وسترد بقوة باحتلال أجزاء من سيناء!.
23
4 خبر الساعة
آخر خبر أن أحمد عز تزوج من المطربة أنغام وليس فقط من الممثلة زينة.. طب وإحنا مالنا؟!.
19
5 اختبار
اختبار دم يحدد الشخص السليم إذا كان مصابا بالزهايمر، أم لا. برجاء عدم تطبيق الاكتشاف عندنا
فنحن لا يمكن أن ننسي كل فتوحاتنا!.
22
6- تدخل الاختصاصات
الأعلى للثقافة يرفض موقف الأزهر من فيلم "نوح" ويؤكد: دوره يجب أن يقف عند حد النصيحة.
أليس هذا تدخلا في عمل الإخوان؟!.
25
7 تكريم
أقيم يوم الخميس السابق تحت رعاية رئيس الجمهورية الاحتفال بعيد الفن تكريما لبعض الفنانين
القدامى وبهذا يكون الفن قد تم تشييعه إلى مثواه الأخير!.
24