"كلنا جنبك وبنحبك".. نجوم الفن يواصلون دعمهم ل وفاء عامر

حرص عدد من نجوم الفن على مساندة الفنانة وفاء عامر ووجهوا لها رسائل الدعم بكلمات مؤثرة، عبر حساباتهم على مواقع التواصل الاجتماعي، وذلك بعد أزمتها الأخيرة بشأن بعض الادعاءات التي طالتها بأنها كانت السبب في وفاة اللاعب إبراهيم شيكا بسبب تجارتها في الأعضاء البشرية.
نجوم الفن يدعمون وفاء عامر
دعم الفنان أحمد كرارة، وفاء عامر، عبر حسابه الرسمي على "فيسبوك" بنشر صورة لها معلقًا: «الأخت الجدعة، بنت الأصول، اللي دايمًا بتعمل خير وكل الدنيا بتحبها.. كلنا جنبك وبنحبك».
وحرص الفنان هاني رمزي عبى توجيه الدعم لها ونشر عبر حسابه الرسمي على "إنستجرام": "صديقتي وأختي وزميلتي وفاء عامر مفيش حد في جدعنتك ولا كرمك ولا طيبتك، وربنا يحفظك ويخليكي لأسرتك ولكل اللي يعرفوكي كويس.. لأن واضح إن فيه ناس لسه متعرفش مين وفاء عامر بجد".
كما وجهت لها الفنانة عبير منير عبر حسابها على "إنستجرام" كلمات الدعم والمحبة قائلة: «أنتي مش بس نجمة جميلة ومحترمة، إنتي إنسانة محترمة وجدعة ومتدينة وبتساعدي الصغير قبل الكبير، بتعملي أعمال خير كتير وفوق كل الشبهات».
ودعمتها سلاف فواخرجي عبر "ستوري" حسابها الرسمي بتطبيق "إنستجرام" قائلة: «وفاء عامر الست المصرية الجدعة بكل تفاصيلها أم وأخت لكل من عرفها، وفي الشدة قبل الفرح، بحبك جدا ياوفاء ومعاكي دايما».
وكتبت الفنانة منة فضالي، عبر حسابها على إنستجرام: "وفاء عامر نجمة كبيرة وست جدعة و100 راجل وعيب أوي أوي اللي بيتقال عليها ده عيب.. طول عمرها بتعمل خير كتير وكريمة مع كل الناس.. ليه عدم التربية والاتهام اللي ملوش أي لزمة، يا أحلى وفاء انتي نجمة وجميلة ومحبوبة وسيبك من الناس اللي مورهاش غير الهري.
كتبت الفنانة نهال عنبر، كتبت عبر حسابها على "إنستجرام": "الجميلة الخلوقة وفاء عامر عشرة العمر أنا عارفة قد إيه انتي خيرة وجميلة وبتحبي تساعدي بالخير، انتي فوق أي كلام دايما ناجحة وخلوقة زي ما انتي، وربنا يردلك كل الخير اللي بتعمليه حبيبتي الغالية".
كتبت المطربة أمينة، عبر حسابها على "إنستجرام": "ربنا وحده أعلى وأعلم حجم ألمي عليكي من ناس لا عندهم أصل ولا فصل، الست دي بنت أكابر أبوها راجل تاجر في سوق كبير الله يرحمه عم فاروق عامر الراجل اللي رباهم على العز، أنا شفت ده بعين خالاتي واهلي في باب عمر باشا عن الجدعنة مش هقولكم عن كرمها وحبها للخير وحبها لفرحة الغير ست بنت بلد بتحترم الصغير قبل الكبير عايزة أقول حاجات كتير أوي عنك يا أم عمر لأنك تستاهلي كل خير، اتقوا الله وكفاية عبث وقلة أدب ده انتوا هتخلوا الواحد يراجع نفسه مليون مرة وهو بيقدم على فعل خير ده مش جزائها، عيب والله".