مؤلف "ترانيم إبليس" يكشف تعنت الرقابة ضد الفيلم

كشف السيناريست محمد سيد بشير أسباب عدم تصوير فيلمه الجديد "ترانيم إبليس" وتعنت الرقابة الفنية على المصنفات من منحه تصاريح التصوير.
الفيلم بطولة أحمد السقا ومصطفى شعبان وخالد النبوي ومني زكي، وكتب بشير عبر صفحته الشخصية بشبكة التواصل الاجتماعي فيس بوك قائلا: " فيلم " ترانيم إبليس " كان المفترض أنه ينزل الموسم الجاي تحديدا العيد الصغير.. وبعيدا عن أنه فيلمي..حقيقي كنتوا هتشوفوا فيلم مختلف عن أي حاجة هتشوفوها أو شوفتوها قبل كدة في صناعة السينما المصرية بحجم النجوم اللي فيه.. الفيلم ده أنا ذاكرت كل تفاصيله لسنين وعملت مراجعات تقنيه ودينيه مع علماء كتير أهمهم الدكتور علي جمعة شخصيا واللي أشاد بفكرة الفيلم جدا..وكان مخطط للفيلم أن يكون له أجزاء مش مجرد فيلم واتعمل وخلاص وكل حاجة مدروسة مع المخرج أحمد نادر جلال من أكبر حاجة لأصغر حاجة.
وأضاف: كان مترتب شكل الدعاية وشكل التيزر والبروموا للفيلم وشكل الفيلم نفسه اللي كان مرسوم كل شوت وكادر فيه اه والله أنا شوفت الفيلم مرسوم شوت شوت.. والكل كان شغال بحماس ما بعده حماس لأيمانهم بفكرة الفيلم وأختلافها والحماس ده تحول لأحباط ما بعده أحباط، ولكوا أن تتخيلوا أن بعد ده كله وفيلم بطولة أحمد السقا ومصطفي شعبان وخالد النبوي ومني ذكي وأمينة خليل ومحمد دياب وغسان مسعود اللي قرا الفيلم في اقل من 24 ساعة ووافق يشتغل الفيلم فورا.
وتابع: "بعد تعبي واصرارى أن اعمل الفيلم يظهر بالشكل اللي انا متخيله وبعد موافقة وحماس السقا ومصطفي وخالد وكل النجوم بالأضافة لوجود مخرج مهم ومن أهم مخرجين مصر أحمد نادر جلال، الفيلم التصاريح بتعته مطلعتش من شهر أكتوبر 2018 رغم كل المحاولات اللي عملتها واللي قريبين مني عارفنها برضه مطلعتش".