البنت أحسن من الولد وبالدليل.. تعالوا شوفوا ليه!

عشر أسباب ليه البنت أحسن من الولد:
(1) لو البنت فى وسط المحاضرة وعطشت وحبت تشترى كانز تقول للدكتور من فضلك يا دكتور عايزه أخرج يسألها ليه، تقوله عندى ظروف ومن غير ما يعرف أيه الظروف تلاقي الباب اتفتح
أما الولد لو جاله تليفون إن أبوه مات وإخواته اتحرقوا وأمه فى الإنعاش يقوله هى دى جامعة أبوك، روح اترزع مكانك ومش مهم تحضر الدفنه كفاية تحضر العزاء
(2) لو البنت زعلت مع باباها مش حيطردها شخطتين وقلم خفيف عشان البنت عضمها طرى
اما الولد هاتك شلاليت وضرب ويطرده من البيت وعينك متشوف الا النور ويدوبك يلحق مكان ينام جنب البواب
(3) لو فى اتوبيس وبنت دخلت وملقتش مكان كل واحد يعمل فيها صلاح الدين الايوبى وابو العريف والشهامه ويقوم واتفضلى يا انسه
اماالولد اول ما يدخل التكشيره تترسم على الوشوش وكل واحد يطلع راسه من الشباك يتفرج على المحلات
(4) لو البنت سقطت اخر السنة تروح تعيط لمامتها شويه ومامتها تقولها معلش خيرها فى غيرها البنت مسيرها لبيت جوزها
اماالولد يا خرابى يا تعبى يا خسارة تربيتى فيك يا ابن ال روح شوف ابن عمك بيطلع من الاوائل كل سنه (وهوه كل سنه بيعدها وبيسقط) انت من بكره تنزل تشتغل مع الاسطى بليه الميكانيكى تعمل بلوقمتك
(5)لو بنت فشلت فى التعليم تقعد تستنى العريس وهيا بتغنى البحر بيضحك ليه وانا نازله ادلع واغسل الحلل
اماالولد ينزل يشتغل صبى ميكانيكى او ينزل يبيع مناديل فى الاشارات
(6) لو حرامى دخل الشقة الأب والأم يدخلوا على البنات ويطبطبوا عليهم ومتخافوش
اما الولد الاب يمسكه يضربه ويقوله مانا لو كان عندى راجل مكنش حد دخل البيت لكن الكل عارف ان انا عندى نيفين يا ابن ال...
(7) لو جيه ضيوف للبنات ازيك يا اونكل وهاتك يا بوس واحضان فى بناته
اما الولد انزل هات كذا وكذا ..ويا سلام لو البنات حيباتو مع بعض يتلموا كلهم مع بعض فى اوضة اما الولاد يسحبوا مخدة وبطانيه ويطلعوا يناموا جمب لاكى الكلب فوق السطح
(8) لو حصل خناقة فى المنطقة البنات تقعد تتفرج من الشبابيك اما الولاد الى يشد سكينه والى يشد جنزير واللى نبوت ويرجعوا الى السكينة فى بطنه واللى النبوت فى ودنه والى الجنزير على قفاه
(9) لو الحرب قامت البنت تقعد تتفرج على الاحداث على قناة الجزيرة وتازاز لب وسودانى وتقلب شويه على قناة ميلودى وروتانا
اما الولد يرجع ومعاه الالى وودنه مقطوعه وفاقد الذاكرة وشايل رجله على كتافه ويشوف باباه يقول امال فين اخواتى يا ماما
(10) الولد لو رايح مشوار مع اخته يصحى بدرى ويحط جل ويكوى هدومه وبعدين ينام من كتر الانتظار ولما اخته تطلع تبقا برنسيسه بالميكب والرفيو وهوه طبعا الهدوم اتكرمشت والجل نشف وبقى زى الفرخة والناس يشوفوه يتريقوا عليه ويقولوا الحظ لما ياتى يخلى الشيك قراداتى