شباب شبرا الخيمة تطلق مبادرة "عملتولنا إيه؟" لمراقبة أداء النواب

دشن عدد من شباب شبرا الخيمة صفحة على موقع التواصل الاجتماعي "فيس بوك" باسم "عملتولنا إيه؟" لمراقبة أداء النواب ومسئولي المحليات في شبرا الخيمة.
وعرف الشباب الصفحة وهدفهم من خلال كتابة في البوست الرئيسي لهم.. عملتولنا إيه؟ دي مش شتيمة ولا حاجة عيب لا سمح الله.. "عملتولنا إيه؟" دي حملة شبابية بنحاول من خلالها نراقب ونشوف كمواطنين نواب شبرا الخيمة ساعدونا إحنا أهاليهم في إيه.. طب ساعدوا منطقتهم شبرا الخيمة في إيه؟
"عملتولنا إيه؟" مش بترصد سلبيات النواب والأحياء والحكومة في شبرا الخيمة فقط.. بل الإيجابيات كمان لو في! مش من كلام النواب أو المسؤولين بل من الواقع الذي يراه الجميع.
"عملتولنا إيه؟" ليست ضد أحد أو مع أحد.. "عملتولنا إيه؟" غير ممولة من أي أحد ولن تقف في أي انتخابات مقبلة مع أحد.. فريق عمل "عملتولنا إيه؟" لن يكشف عن نفسه ولن تجده في أي صور مع مسؤولين أو نواب.. من غير تفاعلكم والتشيير من الصفحة حتى نصل لحد عنده دم ويشتغل لن ننجح في تغيير شيء على أرض الواقع.
يرفض شباب الصفحة الإفصاح عن نفسهم لعدم وقوعهم تحت أي ضغوط من لا مسئولين أو النواب وليستطيعوا العمل بحرية وإفادة مجتمعهم.. هل تكون عملتولنا أيه في شبرا الخيمة؟ بداية لمراقبة أداء النواب والمحليات في مصر كلها؟