انفصال إيمي وغسان المولى في هدوء

أكدت الفنانة إيمي أنها انفصلت مؤخراً عن زوجها الفنان اللبناني غسان المولى في هدوء، وأنه سيظل عشرة عمرها وحبها الأول ووالد أولادها الثلاثة.
وقالت غيمي في تدوينة نشرتها، منذ قليل، على صفحتها بموقع التواصل الاجتماعي "فيس بوك" كشفت فيها عن هذا الانفصال وطالبت الجميع بضرورة عدم التدخل في حياتها الخاصة ومعرفة تفاصيل من المفترض أنها تخصها وحدها.
وجاءت التدوينة كالتالي: "أولاً: أحب أشكر ال412 Missed call اللي جولي في خلال ساعتين و ال1293 message، ثانياً: كنت بفضل خبر انفصالي عن أبو أولادي ما يخدش الحجم الأوفر ده، لا إحنا أول ناس ولا آخر ناس تنفصل، ومهما كان إحنا عشرة عشر سنوات نتج عنها ثلاثة صبيان، اللي لسه مايعرفوش خبر الانفصال في حين أن الوطن العربي كله عرف وده حاجة مخلياني في غاية الاستياء، ثالثا: أرجو عدم التحدث في هذا الموضوع لأن في مقولة بتقول إن البيوت أسرار.. بس واضح إن المقولة دي عمرها الافتراضي خلص، رابعا: مش من حق أي حد يعرف التفاصيل.. لأنها المفروض حاجة شخصية (المفروض)، خامسا: يا ريت الكلام يبقى على قد اللي أنا بكتبه وما يخدش حجم أكبر من حجمه لمصلحة الغير.. وما ننساش إن في أولاد في يوم من الأيام هيقروا أي حاجة هتتكتب عن أبوهم وأمهم.. فيا ريت نراعي ربنا في ده، سادسا: سيظل غسان عشرة عمري وحبي الأول و أبو أحلى 3 ولاد فيا ريت لا حد يألف ولا يبتكر سيناريو لسبب الطلاق.. لأنه في الأول و في الآخر نصيب.. ومحدش عارف ربنا كاتب إيه، سابعا: السوشيال ميديا نقمتها أكبر من نعمتها.. ويا ريت الناس تستخدمها في الإطار الصحيح لما صنعت له وليس لضرر الغير، ثامنا: ربنا يهديني ويهديه عشان خاطر الولاد قبل خاطرنا، {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}".