الوطن: نص الحوار الأخير بين السيسي ومرسي

نشرت جريدة الوطن، نص الحوار الأخير بين الفريق عبد الفتاح السيسي، والرئيس المعزول محمد مرسي، وجاء الحوار كما نشرته الجريدة كما يلي:
مرسى للسيسي: الجيش موقفه إيه من اللي بيحصل..هيفضل كدا يتفرج مش المفروض يحمي الشرعية؟
السيسي لمرسي: شرعية إيه؟ الجيش كله مع إرادة الشعب.
مرسى: أنا أنصاري كتير ومش هيسكتوا.
السيسي: الجيش مش هيسمح لأي حد يخرب البلد مهما حدث.
مرسي: طيب لو أنا مش عايز أمشى؟
السيسي: الموضوع منتهي وبعدين حاول تمشى بكرامتك وتطالب من تقول إنهم أنصارك بالرجوع لمنازلهم.
مرسى: بس كدا يبقى انقلاب عسكري وأمريكا مش هتسيبكم.
السيسي: إحنا يهمنا الشعب مش أمريكا، و طالما انت بتتكلم كدا إحنا معانا أدلة تدينك وتدين قيادات بالحكومة بالعمل على الإضرار بالأمن القومي والقضاء هيقول كلمته فيها.
مرسى: طيب ممكن تسمحولي أعمل شوية اتصالات وبعد كدا أقرر هعمل إيه؟
السيسي: مش مسموح لك بس ممكن نخليك تطمئن على أهلك فقط.
مرسي: هو أنا محبوس ولا إيه؟
السيسي: أنت تحت الإقامة الجبرية من دلوقتي.
مرسي: متفتكرش إن الإخوان هيسكتوا لو أنا سِبت الحكم، هيولعوا الدنيا.
السيسي: خليهم بس يعملوا حاجة وهتشوف رد فعل الجيش، والإخوان من الشعب المصري ومتحاولش تخليهم وقود في حربكم القذرة..لو بتحبهم بجد تنحى عن الحكم وخليهم يروحوا بيوتهم.
مرسي: عموما أنا مش همشي والناس برة مصر كلها معايا وأنصارى مش هيمشوا.
السيسي: عموما أنا نصحتك.
مرسي: طيب خد بالك أنا اللي عينتك وزير وممكن أشيلك.
السيسي: أنا مسكت وزير دفاع برغبة الجيش كله ومش بمزاجك وأنت عارف كدا كويس.
مرسي: طيب لو وافقت أن أتنحى ممكن تسيبوني أسافر برة وتوعدوني أنكم مش هتسجنونى؟
السيسي: مقدرش أوعدك بأي حاجة، العدالة اللي هتقول كلمتها.
مرسى: طيب طالما كدا بقى أنا هعملها حرب ونشوف مين اللي هينتصر في الآخر.
السيسي: الشعب طبعا اللي هينتصر.