محمد الشقنقيري: "مش وقت انتقادات.. لازم نحس بخطورة وضع البلد"

طالب الفنان محمد الشقنقيرى، الشعب، بتخفيف حدة الانتقادات بشأن الحكومة، مشيرًا إلى ضرورة إدراك الوضع الذي تمر بها البلاد حاليًا.
وكتب "الشقنقيرى"، عبر حسابه الرسمى على موقع التواصل الاجتماعى " فيس بوك " قائلا : "مش معنى أني بدافع عن البلد والرئيس والحكومة أني مش شايف سلبيات، بالعكس فيه سلبيات طبعًا وكتير كمان أنا عن نفسي عاوز أكتب وأنتقد موضوعا مهما وهو الضرائب وفلوسها بتروح فين وكمان موضوع الشحاتين اللي في كل شارع في مصر وحاجات تانية كتير بس ده مش وقت انتقادات".
وأضاف "لازم كلنا نحس بخطورة الوضع اللي البلد بتمر بيه، وده بيطلب منا أننا كلنا نشجع قرارات الرئيس إنما على طول انتقادات انتقادات على الفاضي والمليان".
وتابع "وبعدين البلد دي أنا اتولدت واتربيت واتعلمت فيها، أبويا أتولد ومات وأدفن فيها، أمي وإخواتي وأهلي وأصحابي عايشين فيها، معظم ذكرياتي الحلوة فيها، دي لو قرية صغيرة أكيد ححبها وأموت في كل شبر فيها، بإجماعهم بلاش انتقادات مش وقته، وحبوا البلد شويه، مصر أكبر بكتير أوي من كده".