بالفيديو.. معتز عبدالفتاح: "البوكيمون" ليس وسيلة للتجسس

بدأ الإعلامي معتز عبدالفتاح، برنامجه "90 دقيقة" على قناة "المحور"، بلعب "البوكيمون" قائلاً: "قطاعات واسعة من الشعب المصري مهتمة بالبوكيمون، وهقولكم معلومة مشكلة اللي بيتجسس على مصر ليست نقص المعلومات ولكنها كثرة المعلومات".
وأضاف: "بنتكلم كتير، لو أنا راجل جاسوس على مصر هتعب عشان كثرة المعلومات، بلدنا مفتوحة على البحري، كمية لغو في المطلق، إحنا ناس كثيرة أوي أوي"، مشككًا في صحة استخدام برنامج "البوكيمون" للتجسس قائلاً: "العالم مُكتشف، كله معاه كتب الدراسة، كل ما نتكلم على موضوع ادخل على الإنترنت اكتب، بدءًا من طريقة عمل شوربة الكوارع انتهاء بتصميم مفاعل نووي".
وتابع: "مش مصدق أوي إن البوكيمون أداة للتجسس على مصر، واللي عايز يتجسس هيحتاج بيانات عن الوزارات كالداخلية والتخطيط، مش هيحتاج حد يصور الشوارع وكدا يعني".