بالفيديو.. حمادة المصري مهاجمًا شوبير:"للصبر حدود يا فلول"

شن الكابتن حمادة المصري، عضو مجلس اتحاد الكرة، هجومًا على الكابتن أحمد شوبير، قائلًا: "الصبر ليه حدود يا فلول ومش عايز أعرفك".
وأضاف المصري خلال لقائه ببرنامج "خط أحمر" المذاع عبر فضائية "الحدث اليوم"،: "أحمد شوبير كان زميل ومش عاوز أعرفه دلوقتي نهائي، لأنه تعدى الخطوط الحمرا ووصل لمرحلة أن يأذيني في بيتي وأسرتي وأحفادي وكياني ولا يعنيني من قريب أو بعيد".
وتابع: "اتهمني بحجات معينة سببت لي حرجا في بيتي وأسرتي وأحفادي، وأنا لم أزور انتخابات أو أزور تقريري المالي، ولم يضبط في سيارتي تذاكر مباريات ولا أتاجر في التيشيرتات ومفيش عندي شريط جنسي، وأقول له الصبر ليه حدود والحلم والحكمة ليها حدود".
وأردف عضو مجلس اتحاد الكرة: "مش فاهم إنت بتعمل معايا كده ليه في الآخر أنا أمام الرأي العام محترم وأنت أسات لنفسك واتهامي أني إخواني لن أرد عليه بل يرد من يعرفونني، وهو اتهام بحسب المرحلة ولم يستطع أن يقول عليّ فلول لأنه فلول، وفي النهاية أنا مش بخاف ومفيش حد يعرف، والكلام اللي قاله أهبل وميستهلش أرد عليه ومن يتعدى حدوده معي سأهاجمه".