بالفيديو.. مرتضى منصور ل"شوبير": "هقعدك في بيتك تاني"

أكد المستشار مرتضى منصور، رئيس نادي الزمالك، أن أحمد شوبير، حارس مرمى الأهلي ومنتخب مصر السابق، غير راضي عن الجمعية العمومية للأهلي أو الزمالك، قائلًا: مفيش حاجة في الدنيا عجباه.. وبصراحة مش عارف عايز إيه".
وهدد مرتضى منصور، أحمد شوبير، على الهواء خلال برنامج "برة الصندوق"، تقديم الإعلامي خالد الغندور، على فضائية "LTC Egypt"، مساء أمس السبت قائلًا له: "هقعدك في بيتك تاني، ومعنديش مانع من عودة الوايت نايتس، وأبو العنين مش هيقدر يحميك لما تتكلم عني".
وتابع رئيس نادي الزمالك: "مافيش لاعب في الزمالك يطلع مع شوبير، ولا مدير، ولا أي حد، ولا حتى القطط اللي في النادي هتطلع مع شوبير".
وأشار إلى أن الكرة المصرية لم تنجب حتى الآن مثل الكابتن محمود الخطيب لأنه أسطورة، لكن للأسف القوانين واللوائح لا تعرف المشاهير.
وتابع: "شوبير بيعمل المهرجانات دي علشان يبقي وزير رياضة، أبقي وزير بعيد عني، وعن الأهلي والزمالك، ومالكش دعوة بالفرق دية خالص".