ميرهان حسين تحتفل ب"عيد الأم": آسفة إنى السبب في حزنك

نشرت الفنانة ميرهان حسين، صورتها مع والدتها، عبر موقع التواصل الاجتماعي "انستجرام" احتفالا بعيد الأم.
وكتبت ميرهان حسين: "أمى.. النهاردة أنا عايزة أقولك كلمة واحدة، آسفة.. أنا آسفة إنى السبب في حزنك اللى بتخبيه عشان أنا ماكنش حزينة، آسفة إنى اخترت طريق كان السبب إنه يسمح لناس تجرح وتظلم وتتهم وتحكم وأعوذ بالله من حكم النفس على النفس، آسفة بالنيابة عن كل إنسان وبعيدها تانى (إنسان) حكم على رد فعل وقرر إنه فعل وجرح مشاعرك بسببى".
وتابعت: "آسفة إنى مش قادرة احققلك فرحتك يا أمى ورغم كل ده بتقولى إن أنا فرحتك، انتى اللى فرحتى وراحة قلبى ونفسى، انتى الحب الحقيقى والأمان والحياة، من غيرك مفيش حب مفيش حياة، ربنا يخليكى ليا لآخر يوم في عمرى ويقدرنى أسعد قلبك ربع ما بتسعدينا كلنا، كل سنة وانتى نور حياتى يا حياتى".