هاتوله نادية

استر، طوارئ في مجلس الوزراء، حركة هري ونكت ف دهاليز المبنى من طلعة الشمس، رنين التليفونات ضاربه العفْرتة، صحة جنابه عاملة إيه؟، عظمته قاعد ولا ماشى، يا جماعة.. يا جماعة، اهدوا، سُمعة بيه راجل مؤمن، لا يهزه وداع، ولا يهشه بتاع، دولته محسود يا عبدالودود، هىّ نفْسنة، أيوه عين، قايم واقف نايم صاحي يحسب حسبة خروجه من الحكومة يا بهيج، اتحسد الجدع، شعلة أنتخة، نازل م الصبح صويت على صريخ: هاتولي نادية مصطفى.. جيبولي نادية، سمعوني نادية: «جاي في إيه وسافرت في إيه ومريحتش عندنا ليه».