أحمد السقا يعلق على مكالمته مع "الإبراشي"

علق الفنان أحمد السقا على مكالمته التي أجراها بالأمس في برنامج العاشرة مساء مع الإعلامي وائل الإبراشي، حيث كتب على صفحته الخاصة على موقع التواصل الاجتماعي "فيس بوك" قائلًا: "تعقيبًا على مكالمة الأمس مع السيد وائل الإبراشي كل ما أعنيه أن اللي شاف مش زي اللى سمع أنا مش رامبو كما سخر مني البعض ولا أنا ضابط شرطة ولا جيش ولا دكتور ولا مهندس أنا إنسان نفسه بلده اللي تربى وكبر فيها تبقى أحلى حاجة في العالم عشاننا وعشان أهالينا ولأبنائنا وعشان إحنا ناس طيبين بالفطرة جربنا كل حاجة يا مصريين مافيش حاجة لو نجرب نرجع منتخب مصر بدل ما إحنا فرق ضعيفة ويشهد الله أنا لست من الباحثين عن مجد وصوت عالي أنا نفسي أشوف ولاد بلدي في حضن بعض زي الأول إحنا رجالة يا مصريين وحاشى لله أن أميز نفسي واتمنظر على حد تعبير البعض أنا مواطن مصري عادي ومصر كلها رجالة وقت الشده بتبان وبنتحامى فيهم اللهم ألف قلوبنا يا مصريين رجال وسيدات شباب وشابات صبيان وبنات".