السقا يوضح سبب المداخلة التليفونية لبرنامج العاشرة مساءا

نشر الفنان "أحمد السقا"، عبر صفحته الرسمية علي موقع التواصل الاجتماعي "فيس بوك"، توضيح عن مكالمته التي أجراها أمس السبت، مع الإعلامي "وائل الابراشي" في برنامجه "العاشرة مساء"، عما يحدث من أوضاع سيئة، ولابد من أن نرجع مثل الماضي قائلين "إحنا طيبين بالفطرة"، وقد نعي في بداية المداخلة التليفونية، الشهيد النقيب"محمد نادر" الذي استشهد في كمين العتلاوي بالعريش .
وقد كتب "السقا" علي صفحته، "مساء الخير علي اصدقائى واخواتى على الصفحه، تعقيبا علة مكالمة الامس مع السيد وائل الابراشى، كل ما اعنيه ان اللى شاف مش زى اللى سمع، انا مش رامبو كما سخر منى البعض ولا انا ضابط شرطه ولا جيش ولا دكتور ولا مهندس، انا انسان نفسه بلده اللى اتربى وكبر فيها تبقى احلى حاجه ف العالم عشاننا وعشان اهالينا وابنائنا وعشان احنا ناس طيبين بالفطره، جربنا كل حاجه يا مصريين، مافيش حاجه لو نجرب نرجع منتخب مصر بدل ماحنا فرق ضعيفه، ويشهد الله انا لست من الباحثين عن مجد وصوت عالى انا نفسى اشوف ولاد بلدى ف حضن بعض زى الاول، احنا رجاله يا مصريين وحاشى لله ان اميز نفسى واتمنظر "على حد تعبير البعض"، انا مواطن مصرى عادى ومصر كلها رجاله وقت الشده بتبان وبنتحامى فيهم، اللهم الف قلوبنا يا مصريين رجال وسيدات شباب وشابات صبيان وبنات".