السقا: "أنا مش رامبو.. ونفسي أشوف ولاد بلدي أيد واحدة"

أعرب الفنان أحمد السقا، عن حبه الشديد لمصر وشعبها، مواجها ردود الأفعال التي تلقاها بعد مداخلته الهاتفية مع الإعلامي وائل الإبراشي، أمس السبت، ومؤكدا أنه تحدث بحسن نية وبصفته مواطن مصري يتمنى أن تصبح بلاده أفضل بلاد العالم.
وكتب السقا، على صفحته الشخصية بموقع التواصل الاجتماعي "فيسبوك": "مساء الخير عل اصدقائى واخواتى على الصفحة.. تعقيبا علة مكالمة الأمس مع السيد وائل الابراشى.. كل ما أعنيه أن اللى شاف مش زى اللى سمع.. أنا مش رامبو كما سخر منى البعض ولا أنا ضابط شرطه ولا جيش ولا دكتور ولا مهندس أنا إنسان نفسه بلده اللى أتربى وكبر فيها تبقى أحلى حاجه في العالم عشاننا وعشان أهالينا وأبنائنا وعشان إحنا ناس طيبين بالفطرة".
وأضاف: "جربنا كل حاجه يا مصريين.. مافيش حاجه لو نجرب نرجع منتخب مصر بدل ماحنا فرق ضعيفة.. ويشهد الله أنا لست من الباحثين عن مجد وصوت عالي أنا نفسي أشوف ولاد بلدى ف حضن بعض زى الأول...إحنا رجاله يا مصريين وحاشى لله ان اميز نفسى واتمنظر((على حد تعبير البعض))انا مواطن مصرى عادى ومصر كلها رجاله وقت الشدة بتبان وبنتحامى فيهم..اللهم الف قلوبنا يا مصريين رجال وسيدات شباب وشابات صبيان وبنات".
مساء الخير عل اصدقائى واخواتى على الصفحه....تعقيبا علة مكالمة الامس مع السيد وائل الابراشى....كل ما اعنيه ان اللى شاف مش...
Posted by احمد السقا‎ on Sunday, January 24, 2016