أحمد السقا يرد على الساخرين منه بعد مداخلته مع وائل الإبراشى

نشر الفنان أحمد السقا تعليقا له عبر صفحته بموقع التواصل الاجتماعى "فيس بوك" يوضح فيه ما قاله فى برنامج العاشرة مساء مع الإعلامى وائل الإبراشى متحدثا عن الضابط الشهيد محمد نادر، والذى كان مسئول عن تأمينه فى مسلسل "خطوط حمراء".
وتعرض السقا إلى العديد من التهكمات والسخرية من نشطاء التواصل الاجتماعى "فيس بوك" بسبب هذه المداخلة، وهو الأمر الذى دفعه إلى تبرير ما قاله وهو: "تعقيبا على مكالمة الأمس مع الإعلامى وائل الإبراشى.. كل ما أعنيه أن "اللى شاف مش زى اللى سمع".. أنا مش رامبو، كما سخر منى البعض ولا أنا ضابط شرطة ولا جيش ولا دكتور ولا مهندس أنا إنسان نفسه بلده اللى اتربى وكبر فيها تبقى أحلى حاجة في العالم عشانا وعشان أهالينا وأبنائنا وعشان إحنا ناس طيبين بالفطرة... جربنا كل حاجة يا مصريين.. ما فيش حاجة لو نجرب نرجع منتخب مصر بدل ماحنا فرق ضعيفة.. ويشهد الله انا لست من الباحثين عن مجد وصوت عالى انا نفسى اشوف ولاد بلدى في حضن بعض زى الاول... احنا رجالة يا مصريين، وحاشى لله ان اميز نفسى واتمنظر((على حد تعبير البعض)) أنا مواطن مصرى عادى ومصر كلها رجالة وقت الشدة بتبان وبنتحامى فيهم.. اللهم ألف قلوبنا يا مصريين رجال وسيدات شباب وشابات صبيان وبنات.