محبو السيارات القديمة يتجمعون في القاهرة لعرض مقتنياتهم منها

للمرة الثالثة هذا العام تعرض مجموعة من السيارات الخاصة الكلاسيكية القديمة في معرض تنظمه شركة فنتاج ويلز مصر تحت رعاية وزارة الدفاع ووزارة السياحة.
وضم المعرض عشاق السيارات القديمة من مختلف أرجاء البلاد لعرض سياراتهم التي يرجع تاريخها للفترة من ثلاثينات القرن الماضي وحتى تسعيناته.
وفي يوم الجمعة (27 نوفمبر تشرين الثاني) عرضت 75 سيارة في فندق فخم في شمال القاهرة. ودفع أصحاب السيارات المشاركة رسم اشتراك قيمته مئة جنيه مصري.
وجمع السيارات القديمة هواية قديمة للكثيرين في مختلف أرجاء العالم. ويقول محمود عز الدين أحد مؤسسي شركة فنتاج ويلز إنها هواية مكلفة ومرهقة.
ويضيف "هي هواية مكلفة بعض الشيء ولكن ليها إقبال شديد وليها شعبية قوية جدا و ليها ملاك بيزيدوا كل سنة وأجيال بتكثر كل سنة. يعني هي ممكن تكون هواية غريبة ومتعبة لأنك بتقعد تتعب مع توضيب العربية وتجبلها قطع غيار، وتتعب وتسهر ومش بتبقى عارف تنام لأن العربية بتشتغل عليها في ورشة وكان فيها مشكلة، وقطاع غيار مش لاقيها وبالتالي بيوصل لإنشغال شديد جدا للوقت."
وتقول فنتاج ويلز إن جامعي السيارات القديمة في مصر يملكون طرزا نادرة للغاية بعضها عرض في معرض يوم الجمعة.
وقال محمود عز الدين الذي يملك عددا من السيارات القديمة "لكن طبعا بيكون ليهم ثمن، ولكن صعب إنك تثمنها طبعا لأن يعني كل عربية حالتها غير التانية، كل عربية صاحبها تعب فيها أو عربية ممكن تبقى من أمريكا، ممكن تبقى أصلية فعلا ببوية المصنع من سنتها وعليها كيلومترات محدودة. بالتالي كل العوامل دي بتتحكم في سعر العربية."
وتتراوح أسعار السيارت القديمة في الخارج بين بضعة ألوف من الدولارات وبين الملايين ويعتقد الكثيرون أن ارتفاع السعر قد يقلل من اقبال الناس على هواية جمع السيارات القديمة.
سمير الصفتي أحد أشهر ملاك السيارات القديمة في مصر ويملك 12 سيارة قديمة وسبعة دراجات نارية. وقال ان اهتمامه بدأ بالسيارات منذ أن أهداه والده اول سيارة في ثمانينات القرن الماضي ومنذ ذلك الحين يقوم بصيانة السيارات واستيراد قطع الغيار لها.
وقال الصفتي "العربيات دي رقيقة (بالانجليزية) مع إنها عربيات جامدة بس هي محتاجة معاملة خاصة. عايزة تجري بيها، تجري بيها في وقت معين، متخرجيش بيها طول النهار و تراعيها كويس، حد يبقى بينظفها على طول، و على طول تخلي بالك منها، وحضر محمد جمال المعرض وقال انه يأمل في امتلاك سيارة قديمة.
واضاف "أنا كان نفسي في يوم من الأيام أبقى كولكتور (مقتني بالانجليزية) من العربيات الكلاسيكية بس يعني لسة الفرصة دي مش متاحة بالنسبة لي دلوقتي. فانا طبعا حابب إن أنا أجي أتفرج على العربيات دي و طبعا إيفنت (حدث بالانجليزية) زي ده لسة من قريب بدأت تاخد الشكل ده ماكانش بالتنظيم ده ولا بالمنظر ده. فى حاجة رسمية في مكان شيك ومحترم، فى طبعا أكيد حابب إن أنا أجي خصوصا إن الناس هنا معظمها أصدقائي."
وشركة فنتاج ويلز شركة مصرية تأسست عام 2010 وتقدم العديد من الخدمات المتعلقة بالسيارات منها خرائط للطرق وتنظيم لرحلات في الصحراء واقامة أحداث مثل المعارض وسباقات السيارات.