بالفيديو.. السيد البدوي: تحالف الإخوان معنا زادهم قوة

أذاع الإعلامي عبدالرحيم علي، رئيس تحرير "البوابة نيوز"، خلال برنامجه "الصندوق الأسود"، المذاع على فضائية "العاصمة"، مكالمة للسيد البدوي رئيس حزب الوفد يؤكد خلالها سعادته بالتحالف مع الإخوان، موضحًا أنه أعطى الجماعة قوة.
وجاء نص المكالمة كالآتي:
مجهول: أيوه يا دكتور سيد.. إزي حضرتك؟
السيد البدوي: إزيك يا حبيبي.. أخبارك إيه؟.. عدلوا القرار؟.. أنا الحقيقة قولت لعلي السلمي يبقى أمين عام قولتله اتنين أمناء عمومي.. بصراحة هو عملها أمين عام مساعد.. بس أنا عدلتها وخليته أمين عام.. أنا عايزك تروق كده.. أنت عطيت عطاء كبير جدا وكنت مخلص.. أنا عايزك تبقى حاجة تنفيذية وتبقى معايا برضه.. فكر في مكان تنفيذي تكون تعلمياتي ليك مباشرة.
مجهول: والله يا دكتور أي مكان.. بس احنا محتاجين حاجة شعبية
السيد البدوي: أنا هحطك في لجنة الانتخابات مع فؤاد بدراوي.. احنا داخلين ناخد نسبة معينة مش 50 ولا 80 كرسي ولا الكلام ده.. وهسجل اللجنة وتكون فيها مع بدراوي والنواب السابقين
مجهول: الناس حبانا جدا يا دكتور
السيد البدوي: لما "الواشنطن بوست" و"النيوز ويك" يكتبوا أن تحالف الوفد مع الإخوان أعطى الجماعة قوة ودفعة لأن اللي بيشتغلوا ناس محترمين.