رئيس الزمالك ل"الغزالي حرب": "حشيش إيه اللي انت عايز تقننه"

شن رئيس نادي الزمالك هجومًا حادًا على الدكتور أسامة الغزالي حرب، القيادي بحزب "المصريين الأحرار"، بسبب مطالبة حرب بمناقشة فكرة بعض الشباب بتقنين تعاطي الحشيش.
وقال رئيس الزمالك، خلال مداخلته مع الإعلامي وائل الإبراشي في برنامج "العاشرة مساء": "أنا مصدوم من كلام الغزالي حرب حشيش إيه اللي انت عايز تقننه إيه اللى انت بتقوله دا ياريت تخليك في السياسة.. عشان كده بقول إن الأحزاب في مصر حالها في النازل".
وأضاف رئيس الزمالك: "إيه اللي بيحصل في مصر ناس بتنادي بتقنين تعاطي الحشيش وناس بتتكلم عن الشذوذ وآخرين ملحدين ويقومون بسب البخاري.. الشعب يعيش حالة من العبث وهناك قضايا أهم من تقنين تعاطي الحشيش".
يذكر أن الإعلامي وائل الإبراشي استضاف مجموعة من الشباب يطرحون فكرة تقنين تعاطي الحشيش، خلال حلقة اليوم من برنامج "العاشرة مساء" على شاشة "دريم".