سك ع الخبر يا توحة

البلد مليان صابون، بريحة وبدون، سايل ومتجمد.. سايب وفرط وف أزايز جاهز ومتعبي، بس النفس اللي تشتري وتغسل، الحال ما يختلفش كتير عن مبادرات الصلح والمصالحة بين الدولة والجماعة.. طن مبادرات متعبية في كراتين وطنين تلاته من نفس المبادرات دي متشونين علي الارفف .. طب والنتيجة ؟ ولا حاجة خالص.. مفيش نفس بتاتا لمجرد فتح كلام مع جماعة حرق الدم .. عبد المنعم أبوالفتوح الاخواني المستخبي في جلابية الزعيم السياسي المغوار ، نصيبه من المبادرات خمس ست سبع عشر مبادرات أخرهم مبادرة اول إمبارح ، طرحها وشدد وحذر من استمرار العنف الاخواني .. ابو الفتوح يحاول أن يظهر بمظهر "الحُنين" قلبه على البلد.. ومن إمتي يا دكتور.. راضين زمتك.. يعني إيه مبادرة صلح..؟ ومع مين.. ؟ وليه.. ؟ ..
وبعد إيه؟ بعد خراب مالطة.. واضح إن التنويم المغناطيسي طالك يا توحه.. إصحي فوق.. أعد قراية اللي فات من دم وقتل وتفجيرات واعد علي نفسك هذا السؤال : " دي جماعة تستاهل حد يسامحها تاني ؟ دكتور.. التطبيع مع العدوين " الاخوان واسرائيل " ... مرفوووووووووووووووض .. واخر الكلام : أهرش في خراية تانية".