حصاوى والدراسات العليا

المواطن الغلبان حسن حصاوى يغشى عليه من حين لأخر، وعندما يفيق لا يفهم ما حدث حوله من تغيرات ولكن أحيانا يجعل من يسمعه هو الذي يغشي عليه.
حصاوي جالس بالمقهى بجوار صديق قديم له مقيم في الخارج من عدة سنين كثيرة وكان يقرأ في صحيفة. وفجأة صرخ بانزعاج.
الصديق يا خبر أسود ومهبب .تتصور المكتوب في الجرايد النهاردة؟ .
حصاوي ( بهدوء ) أنا أتصور أي حاجة.
الصديق بس دا مش ممكن. إلا كدا.
حصاوي: ما دام حصل بالفعل يبقى مش ممكن ليه؟. إيه بقى اللي حصل يا سيدي؟
الصديق الدكتور جابر نصار رئيس جامعة القاهرة، وهو بيستعرض إنجازات الجامعة صرح أن الجامعة بتعاني من تكدس عدد الطلاب في كلياتها وخاصة كلية الحقوق.
حصاوي: يمكن عشان كل الناس بتدور على حقوقها الضايعة, وخاصة بعد ثورة 25 يناير عشان كدا كتير من الشباب قدموا في كلية الحقوق.عشان يا خدوا حقوقهم.
الصديق شباب مين ؟ الخبر بيقول: إن الجامعة فيها طالب بقاله تلاتين سنة بيسقط. وأن النماذج دي كتيرة. دا على كده فيه ناس كتير أغنيا جدا في البلد.عشان أولياء أمورهم يدفعوا لهم يدفعوا لهم الفلوس دي طول مدة دراستهم.
حصاوي: بيتهيأ لك وهو أبوه لسه عايش لما ابنه وصل لتلاتين سنة.
الصديق معرفش. بس ابنه هو وحفيده حصلوه وبيدرسوا معاه في نفس الكلية. ومش معقول يكون الجد الكبير بيصرف على التلاتة مرة واحدة.
حصاوي: مين فهمك كده ؟ إحنا عندنا التعليم الحكومي مجانا للجميع.
الصديق مجانا؟ يالهوي ؟ دا على كده تبقى مصر أغنى دولة في العالم.
حصاوي: خلي بالك أن اللي بيتخرج من الجامعة بياخد مرتب يا دوب يجيب بيه عيش وحتة جبنة.
الصديق: بس المفروض يعملوا العكس. يخلو الجامعة بمصروفات زى بقية العالم. ومحدش
ياخد مجانية إلا اللي جايب أعلى الدرجات. ولما يتخرج يلاقي فرصة يشتغل بمرتبات
كبيرة.
حصاوى: بس دا يبقى ضد الاشتراكية .
الصديق: يعني يخش الجامعة مجاني حتى لو قعد يسقط فيها تلاتين سنة وبعدين يشغلوه كمان
بالشيء الفلاني ؟..
حصاوي: لا اطمن قلت لك لما بيشتغل في الحكومة بياخد ماهية بسيطة خالص.
الصديق: طب ويعيش إزاي ؟ ويتجوز ويخلف عيال يصرف عليهم منين؟ .
حصاوي: ما هو بعضهم ما بيشتغلش قوي يعني. وبعدين هو وشطارته . ممكن يكسب من
وظيفته من اللي بيتعامل معاهم من المواطنين.
الصديق: لكن اللي قعد تلاتثن سنة وما اتخرجش لازم يبقى متخلف عقليا.
حصاوي: أبدا. بس تلاقيه بيشتغل في مكان وبيهلب منه كويس ومش فاضي يذاكر.
الصديق: طبعا مادام الجامعة بالمجان ما عندوش مشكلة. والمثل بيقول البلاش كتر منه.
حصاوي: بس بعضهم خايب برضه.
الصديق أزاي؟.
حصاوي: أصل فيه خبر تاني منشور في الجرايد مكتوب فيه أن الفصل الدراسي الأول في نفس الجامعة برضه ضبطوا فيه 1988 حالة غش.
الصديق: يا نهار أسود ومهبب.
حصاوي: بس ما تخافش. ظبطوا بعضهم في جامعة حلوان وجامعة عين شمس. وحتى بنها.
الصديق: وهيعملوا معاهم إيه ؟
حصاوي: لا مش هيسبوهم طبعا. هعيدوا السنة.
الصديق: بس ؟ ما الغشاش دا لما يتخرج هيكون اتعود على الغش حتى في شغله.
حصاوي: وليه القسوة دي؟. دا كويس أنهم ضبطوا العدد دا بس بيغشوا.
الصديق: كمان؟
حصاوي: بس لسه فيه أساتذة كويسين وعندهم ضمير, أصل عميد كلية الحقوق في بنها الدكتور الشحات منصور عرف من بنته أن المراقب بتاع لجنتها لما عرف أن بنت العميد ضمن الممتحنين, سهل لكل الطلاب أنهم يغشوا. ولما رجعت البنت لبيتها حكت لأبوها اللي حصل، قام حرمها من استكمال امتحانات دبلوم الدراسات العليا في الاقتصاد. وأحال المراقب دا للتحقيق لتقصيره في أداء عمل.
الصديق: يستاهل .دا أكيد هيروح في داهية.
حصاوي: ويمكن ياخد لفت نظر أو خصم من مرتبه.
الصديق: الصديق ينظر له بدهشة. ثم يقف ناهضا
حصاوي: علي فين ؟ ما لسه بدري.
الصديق: أصلي فكرت ولقيت أني لازم ألحق أول طيارة ترجعني من مطرح ما جيت.
حصاوي: ما بلاش اليأس دا.
الصديق: "منفعلا بغضب" ومش عايزني أيأس كمان ؟.
حصاوي" أصبر ..كلها عشرين .. تلاتين سنة ويمكن الأحوال تتصلح.
( الصديق يغشي عليه )
لينين الرملي
618
تعريفات حصاوي
الأدب عندنا
أهم خبر عندنا
** في معظم الصحف والمجلات. هو حظك اليوم,لأن كل القراء يصدقونه !.
معظم القراء عندنا
** يعرفون أن الأدب فضلوه عن العلم.لأن العلم نستطيع أن نستورده من
الخارج جاهزا , بدلا من وجع الدماغ والعينين !.
** معظم الفائزين بالجوائز
** لا يعرفون أننا نحن أكثر من حصل علي الجوائز في أدب ...القرود!.
المثقف عندنا
** هو الذي يكتب أكثر من الجميع علي...علي الفيس بوك!.
بعض الثوار عندنا
** يرون أن الحرية تعني أن تفعل كل ما تشاء.بشرط أن تنضم لهم علي
المقهى !.
نجيب محفوظ عندنا
** أجهد نفسه ليكتب أدبه العظيم. ولم يكن يعلم أن الغرب هو الذي سيهتم به!.
العبقري عندنا
** هو الذي يطرد الجن والعفاريت من أجسادنا, ويحضرهم ثانية إذ لم ندفع له!.