بلاغ للنائب العام .. الشراقوة مستاءين جنابك

الناس هطق ف الشرقية، لم يعد على لسانهم إلا الحسرة وترديد: "كان لازم مرسي يكون زقازيقي .. كان يوم اسود يوم ما تولد بجنسية شرقاوية أبن نبوية " .. ستاشر تفجير في أربعتيام .. ليه .. وعلشان مين .. علشام واحد ولا مؤاخذة منفعش يكون طبلة .. مهاويس هنا وهناك للرئس كرسي تهتف بالذي مضي ، يوم ورا يوم وهي بتسخن وتهدد بخلع النوم من العينين .. طب زنبنا إيه .؟؟ رابطة الشراقوة المستاءين في اجتماعهم الأخير على قهوة عاشور بشارع فاروق وسط العاصمة الزقازيق رأوا أن الحل مفيش غيره، بلاغ لجناب النائب العام يعلنون من خلاله استياءهم وغضبهم واستنكارهم لاستهداف الشراقوة ببومب الإخوان ، نصه:
السيد المحترم الناب العام .. تحية والسلام .. نحيط جنابكم .. إن الكيل طفح من جماعة الققط والفيران .. بومبهم طير النوم من العين .. زهقنا جنابك من حركاتتهم النص كُم .. يتشفولنا حل واتلموهم يا نولع فيهم بجاز .. جنابك كلنا ثقة في مقامك العالي .. لكن بشرف تاريخنا وكل اللي عزمناهم ف القطر إياه لو مفيش واقفة بجد لنجيب عليها واطيها وهنلموهم فرد فرد وعفريت عفريت وصرصار صرصار وهنسد بيهم البحر ، سبق جنابك عملنها ، سدينا البحر بالتبن وقطعنا المية على جيرانا .. وسلاموعليكو .. التوجيع : فضل أبو عبد الفضيل الشرجاوي كبير المستاءين " .