عين حورس بقلم:بهيجة حسين

مصر الجميلة اللي زي القمر
في اللحظات الثقيلة التي تلقي بثقلها علي العقل والقلب والروح تلك اللحظات المصنوعة بفعل فاعل والمدبرة باتقان مدربين علي قتل الفرح والروح والأمل والحلم والثورة، وقتل الشعب الذي اراد ما يليق به وبعظمته.
في هذه اللحظات وايا كانت قوة القتلة وحلكة الظلمة فنحن الأقوي نحن الشعب الذي اراد اسقاط النظام واسقط رأسه وهو اعزل الا من ايمانه بحقه.
نحن الأقوي ولمن يعتقد أنه قادر علي وأد الروح والثورة نقول له «ماتقدرش» نقولها مع فرقة اسكندريلا في قصيدة مصرية كتبها أمين فؤاد حداد لينشد بالفن عزمنا ولتقوي ارادتنا في مقاومة الطغاة ايا كان شكلهم واسماءهم.
هاتوا النقوش اللي فوق الحجر
هاتوا الحكاوي الغناوي الصور
هاتوا البنات اللي عرفوا السهر
هاتوا الولاد اللي عدوا الخطر
ده جنب ده وده جنب ده
جنب ده
مصر الجميلة اللي زي القمر!
أحمر وأبيض وإسود علم
يرفرف يغني يا محلا النغم
بياتي سيكا ورصت وعجم
قلبك وقلبي وقلب الوطن
ده جنب ده جنب ده جنب ده
تلقي الميدان اللي شعبه انتصر!
أفوتك بعافية واسافر واجيلك
يا دافية يا صافية وقلبك دليلك
سماكي وهواكي وأرضك ونيلك
شتاكي وصيفك وشمس تناديلك
ده جنب ده جنب ده
حضنك يا مصر اللي ساع البشر
فراعنة يروحوا الموالد يزوروا
كنيسة وجامع شموعها وبخوره
دعا الأمهات والندور والأماني
محبة ورحمة وذكر وأسامي
ده جنب ده... جنب ده...
مدد يا حسين
يا ام هاشم ونظرة
يا مرقص يا بطرس
يا مريم يا عدرا
يا شهدا وماتوا في قلب المظاهرة
ده جنب ده جنب ده