مطالب المصريين البسطاء فى العيد الثالث للثورة ..امن واستقرار ورئيس عادل

الامن والاستقرار والقضاءعلى الارهاب والبدء فى عملية البناءوالانتاج…كانت هذه أهم آمال وطموحات المصريين البسطاء الذين خرجوا للاحتفال بالعيد الثالث لثورة 25 يناير العظيمة .
على انغام تسلم الايادى رفع المصريون صور الفريق السيسى مطالبين ان يكون رئيسا لمصرومؤكدين ان الشعب المصرى لن ينخدع مرة اخرى ,ولا عودة لدولة الاستبداد والعنف والارهاب.
علشان مصر,علشان السيسى ,علشان الدنيا تبقى حلوة علشان نقول لا للاخوان والارهاب ونعم للاستقرار…كانت هذه اجابات بعض المواطنين الذين التقينا بهم فى شارع طلعت حرب وميدان عبد المنعم رياض وسألتهم لماذا حرصوا على المشاركة فى الاحتفال؟
علشان مصر
"الحاجة فاطمة "85 سنة كانت ترفع مصر وتغنى تسلم الايادى جاءت من عزبة الهجانة لتشارك فى الاحتفال تقول :نزلت علشان خاطر مصر تبقى حلوة ومحدش يتحكم فيها تانى لا مبارك ولا الاخوان اللى ما بيخافوش ربهم,وكل اللى عايزه ربنا يصلح حال البلد ويحمى ابنى محمد اصله عسكرى فى الجيش.
اما "كريمة سلامة "موظفة فتقول شاركت فى الاحتفال لتوجيه رسالة الى الاخوان "الارهاب حرام"وكل ما تتمناه هو القضاء على الارهاب والارهابيين ونرجع نعيش فى امان من تانى .
ولا تختلف مطالب "شادية كمال "مدرسةعما سبق فهى تريد رئيسا لمصر زى عبد الناصر يحمى الناس ويلبى مطالبهم وتقول عايزين نبنى بلدنا وكفاية ارهاب وعنف ومظاهرات واحتجاجات عايزين نشتغل بجد .
قلبي يتقطع
وتقول الحاجة ام وليد جيت مع ابنى علشان قلبى بتقطع لما اشوف الناس اللى كل يوم والتانى بتموت من غير ذنب ,عايزة السيسى يبقى رئيس ويحمى الشباب اللى بيروح ضحية ,ويحمى قلوب الامهات اللى قلبها بيتوجع على ضناها لما يموت بسبب الارهاب والعنف,عايزة ابنى يلاقى شغلانة بدل قعدتة ليل ونهار من غير شغل.
عيش, حرية ,عدالة اجتماعية..هذا ما طالب به" محمد رحال "موظف واكد ان الرئيس القادم لابد ان يحقق مطالب الثورة اولا وان يقضى على جماعة الاخوان الارهابية,ووجه رسالة للاخوان قائلا قبل المصالحة عليكم بالمصارحة,وعن مواصفات الرئيس الجديد قال نحتاج "عبد الناصر2″لابد ان يكون حاكما قوىا وحازما ولديه كاريزما وصارم فى محاسبة الارهابيين وفوق كل هذا يشعر بشعبه ويحس به.
"رحيم احمد"بائع فى محل قطع غيار قال :نفسى السيسى يبقى رئيس ويتم اعدام مبارك ومرسى وكل من خان عهده مع الشعب المصرى وقام بخراب البلد.
"محمد عاطف" موظف بهيئة البريد قال:اتمنى ان يتم تطهير الجهات الحكومية من الاخوان فكل هيئة حكومية فيها ناس من الاخوان عايزين يحرقوا البلد.
عفاف السيد سعيد "مديرة حضانة للاطفال تقول نزلت علشان مستقبل ولادى علشان بكره يبقى احلى ,نفسى لما بنتى تنزل الشارع ابقى مطمنه عليها ,عازة رئيس يحمينا ويراعى ربنا فينا بحل مشكلة الاسعار المولعة والشباب اللى مش لاقى شغل والناس الغلابة اللى مش لاقيه اللقمة الحاف وانا حاسة ان الرئيس السيسى قادر على ذلك.
حرص الآباء والامهات على اصطحاب ابنائهم للاحتفال معهم ..هؤلاء الاطفال كان لديهم وعى كامل باهمية الثورة العظيمة رغم صغر سنهم فقالت ندى 8سنوات نزلت مع بابا انهاردة علشان بلدى وعايزة السيسى يكون رئيسى,وردد احمد6سنوات اغنية تسلم الايادى وقال اللى بيحب الاخوان يبقى ارهابى.