فيس بوك : اعترافات سلمي صباحي بعد اتهامها بالنصب

دافعت المذيعة سلمى صباحي عن نفسها من خلال صفحتها بعد اتهامها بالنصب حيث كتبت: "أنا سلمى صباحي مصرية زي آلاف المصريين العاديين اللي حلموا بمرتب ثابت بدل ما هم مش لاقيين شغل، وحلموا ببيت ملك بدل الإيجار اللي قاطم ضهرهم، وحلموا بمدرسه كويسه لعيالهم يتعلموا فيها بجد، وحلموا بعربية بدل بهدلة المواصلات، وحلموا بعمرة ولا حج، وحلموا حتى يشتروا معاش عشان يضمنوا دخل لولادهم بعد ما يسيبوهم، يعني ببساطة حلموا بحياة أفضل لكن للأسف اتضحك علينا وفلوسنا راحت في شركة جلوبال أد مارت".
وأضافت سلمي أنها أثبتت حقها وحق زوجها وأقاربها من خلال عمل محضر بالواقعة قائلة:" للأسف تم استغلال اسمي وفوجئت النهاردة على بعض المواقع الإخبارية إن فيه بلاغ متقدم ضدي من واحد بيقول إني أخدت منه فلوس والحقيقة إني معرفش الرجل ده ولا عمري شفته وهاتخذ كل الإجراءات القانونية ضده وضد بلاغه الكيدي الكاذب لرد اعتباري..أي كلام تاني غير الكلام ده هو كذب وافترا خصوصا إن في ناس بتحب تصطاد في الميه العكره ونفسها تشوه سمعتي بأي شكل , وربنا هو العالم وهو سندي وهو المنتقم".
يذكر أن سلمي صباحي تم اتهامها من قبل عدد من الأشخاص بأنها تلقت أموالا لإستثمارها من خلال شركات علي الإنترنت، ولكنها بعد فترة لم تدفع الفوائد الشهرية المتفق عليها لتتهم بالنصب.