سلمى صباحي: سأقاضي من اتهمني بالنصب عليه

نفت المذيعة سلمى صباحي نجلة المرشح الرئاسي السابق ورئيس حزب التيار الشعبي حمدين صباحي معرفتها بالشخص الذي أدعى أنها نصبت عليه في مبلغ 88 ألف جنية وأنه سلمه لها بنفسه. مؤكدة أنها لم تراه قط، بل هي التي تم النصب عليها وزوجها وبعض أقاربها.
وكتبت سلمى على صفحتها في موقع التواصل الاجتماعي "فيسبوك": "أنا سلمى صباحي مصريه زي آلاف المصريين العاديين اللي حلموا بمرتب ثابت بدل ماهم مش لاقيين شغل، وحلموا ببيت ملك بدل الإيجار اللي قاطم ضهرهم، وحلموا بمدرسه كويسه لعيالهم يتعلموا فيها بجد، وحلموا بعربيه بدل بهدلة المواصلات، وحلموا بعمره ولا حج، وحلموا حتى يشتروا معاش عشان يضمنوا دخل لولادهم بعد مايسيبوهم، يعني ببساطه حلموا بحياه أفضل لكن للأسف اتضحك علينا وفلوسنا راحت في شركة "جلوبال أد مارت".. أنا عملت امبارح محضر عشان اثبت حقي وحق زوجي وأقاربنا وانتظر من القضاء أنه يرجعلي ويرجع لكل الناس حقوقها المنهوبه.. وللأسف تم استغلال أسمي وفوجئت انهارده على بعض المواقع الإخباريه أن فيه بلاغ متقدم ضدي من واحد بيقول أني أخدت منه فلوس، والحقيقه أني معرفش الرجل ده ولا عمري شفته، وهاتخذ كل الإجراءات القانونيه ضده وضد بلاغه الكيدي الكاذب لرد اعتباري..
أي كلام تاني غير الكلام ده هو كذب وافترا خصوصا أن في ناس بتحب تصطاد في الميه العكره ونفسها تشوه سمعتي بأي شكل, وربنا هو العالم وهو سندي وهو المنتقم" ..