اخبار المنوعات : نصائح لأول مقابلة مع العريس المنتظر

خلّينا نتفق يا بنات إن الحاجات دي مفيهاش كتالوج ! يعني يا صابت يا خابت يا أتنين عورّ.
بس فى قواعد عامة من واقع تجارب وخبرات بنات كتير، لازم كل بنت تخلّي بالها منها فى أول قاعدة مع عريس الغفلة –إحم- قصدي العريس المنتظر.
-كلامنا هنا تحديداً لقاعدة الصالونات-.
1- بلاش المكياج الأوفر أوي هتظهر متصنعة كإنك عروسة مولد.
2- بلاش نظرة “عريسي يامااااي" أول ما تشوفيه، خليكِ تقيلة بس مش رخمة ولا دمك تقيل.
3- اللبس المناسب للمكان المناسب، خليكِ على طبيعتك و بسيطة فى مظهرك -بلاش كلاسيك أوي لأنك مش رايحة انترفيو شركة و بلاش الشربات الملونة و تشيرت كيتي لأنك مش رايحة الملاهي-.
4-الضحك بصوت عالى و على أي حاجة و بدون مناسبة..كدة هتدّي انطباع مش لطيف خالص عنك.
5- ركزي فى أسلوبه وطريقة كلامه و مظهره، مش وقت تسبيل خالص!
6- لو معجبكيش، كملى القاعدة للأخر بمنتهي الذوق و الاحترام..بدون ما تحرجيه.
7- لو قاعدين في كافيه بلاش تاخدك الشهامة أوي و تدفعى الحساب أو حتى تطلبى الشيك قبل ما هو يطلبه.
8- م الأخر كوني على طبيعتك بدون مبالغة أو تصنع.
و ألف مبروك مقدماً