اخر اخبار مصر : نوارة: تصرفات ممدوح حمزة مثيرة للقىء

أعربت الناشطة السياسية نوارة نجم عن استيائها من الناشط ممدوح حمزة واتهامه مؤخراً بالتحريض عبر تسجيلات على العصيان المدني.
وقالت: "بصراحة اللي ممدوح حمزة واللي ماشيين وراه بيعملوه ده حاجة مثيرة للقيء والإسهال, واللي بيعمله ده رخيص قوي وحيدفع تمنه ".
ودعت الناشطة السياسية نوارة نجم الى الاتجاه نحو بناء مصر ونهضتها من خلال ثوارها الحقيقيين, وعدم الانشغال بما يحدث من مناوشات بين جماعة الاخوان المسلمين والمجلس العسكري, والذي اعتبرته نجم "انهيار للإخوان".
وأضافت عبر تغريدة لها على "تويتير": "إحنا نركز نبني كياننا, ونظبط ادواتنا، ونكمل ثورتنا، وحنخلي بلدنا احسن بلد والله و بكرة تشوفو, مصر دي حتبقى زي الفل، وحتبقى قوة عظمى كمان بس احنا نركز، خليهم هم يدبوا في بعض احنا مالنا!, واحنا عايزين منهم ايه تاني اكتر من ان كل اللي حذرناهم منه حصل وكلوا على قفاهم؟ سيبوهم في حالهم بقى"
واستكملت:" خلاص سيبوهم دلوقت والنبي, الضرب على قفا المضروب حرام, معركتهم واهدافهم ومصلحتهم وهم اللي عكوها وهم مسئولين يحلوها مالناش دعوة بيهم هما مش عارفين حيرشحوا مين ولا عارفين حيعملوا إيه؟ بس مش حيرشحوا الكتاتني ولا الشاطر ولا حينزلوا ينضربوا، هم نفسهم مش عارفين حيعملوا إيه"
وأكدت نوارة أن الإخوان كانت لديهم الفرصة بأن يحصدوا مكاسب عدة عبر برلمان الثورة الذي أتاح لهم الفرصة بأن يساعدوا أنفسهم ويساعدوا الشعب المصري لكن بمواقفهم الأخيرة أضاعوا تلك الفرصة.
فقالت نجم:" احنا كنا مركزين مع الإخوان والسلفيين لما كانوا برلمان وناجحين في الانتخابات وقدامهم فرصة يساعدونا ويساعدوا البلد وضيعوا الفرصة فكان عندهم فرصة يركبوا درجة أولى مكيف وصمموا يركبوا الكارتة بتاعة الحمار.. أهو الحمار حرن".