اخر الاخبار المصرية اليوم : نشطاء الفيس بوك تعليقا على سرقة سيارة للحرس الجمهورى : لما حرس مرسى يتسرق يبقى الحرامية يعملو فينا ايه ؟!

أثارت سرقة سيارة تابعة للحرس الجمهورى بمحافظة الشرقية كانت تستقلها زوجة الرئيس محمد مرسى تعليقات النشطاء على موقع التواصل الاجتماعى "فيسبوك" حيث قال أحد النشطاء : والله دى فضيحة وكان يجب تخفوا الخبر لأنه وصمة عار فى جبين الرئيس واختياراته لمن حوله من المسئولين الأفاضل عليه العوض.
وقال آخر : اعتقد ده أكبر دليل أن الحراسة حول الرئيس أقل من العاديه مش زي إعلامنا المحترم ما بيدعي وكمان البلاغ راح للجهات المختصة بشكل عادي.. وقال آخر السيارة اتسرقت من قدام بيت الريس متقال موش الرئيس مرسى " انا بكتب وبغمز بعينى علشان تعدوها"
شفتو الديمقراطيه سراقو كمان سيارة حرس رئيس الجمهوريه اللي كان زمان لما حد يقرب لها ينضرب بالنار".
وانتقد آخر الحرس الجمهورى قائلا : "ليه هما كانو نايمين فى العسل بتوع الحرس الجمهورى والله دول مش نافع معاهم غير حسنى كان رعبهم من كبيرهم لصغيرهم.
وقال آخر: "يادى الفضيحة لما حرس مرسى يتسرق يبقى الحراميه يعملو فينا ايه"؟!.