اخبار المنوعات : كيفية ترخيص "بيوت الدعارة " في مصر

مساء الخير.
إلى كل شخص يُطالب بتقنين البغاء أو ترخيص بيوت الدعارة أهلًا بك كيف حالك ؟ أنا أعرف جيدًا أن هذه هي الحُرية المشروعة نعم تلك هي الحُرية، فكما يقول الشيوخ في العصور السابقة.
.
الحلال بين والحرام بين .
.
من شاء فليؤمن ومن شاء فليكفر.
ال عايزة تشتغل عاهرة تتفضل وال عايز يشرب خمرة يتفضل وال عايز يزني يتفضل كل ال عايز حاجة يعملها مافيش أي مشاكل أنا معاك والله في الحل ده.
.
بس تعالي هنا، هو حضرتك فاكر أن الحل ده هايقلل من نسبة التحرُش ؟ أيه ده أنتا في كامل وعيك.
.
سيدي الفاضل مرحبًا بك أنت في مصر عارف أتفق معاك في الحل ده أمتي ؟ لما تكون نسبة التحرُش عندي قليلة مش بالكم المهول ده، قبل ما أدخل معاك في مُناقشة.
.
بكل بساطة لو فعلًا ده الحل ليه ال بيمارس الجنس مع زميلاتة بيتحرش ؟ لية ولاد الناس الأغنياء ال بيمارسوا الجنس براحتهم بيتحرشوا ؟ طب ليه المتزوج بيتحرش ؟ ياخي صلي ع النبي في قلبك وفكر بعقلك كدا.
.
كلنا عارفين أن الحل الوحيد والأوحد لمُشكلة التحرُش هو القضاء على نسبة الجهل طبعًا إلى جانب شوية حاجات تانية بس ده هايكون ال بيقوم عليه أساس الموضوع.
.
خليني معاك للأخر ونتفق أن ده الحل حلك الرادع والرائع بتاع بيوت الدعارة.
.
طب والتحرش بالشباب ؟ هو أنتا فاكر أن كل رجالة مصر واخدة حريتها، أبدًا يا أستاذ الفكرة بس أن ممكن الشاب يقدر يدافع عن نفسة لكن البنت لاء يا أستاذي الفاضل في مصر كل مُختلف بيتم التحرُش بيه المفكرين بيتم التحرُش بيهم الأجانب بيتم التحرُش بيهم الممثلين بيتم التحرُش بيهم يا والدي الموضوع محتاج نشر ثقافة ووعي ومش ثقافة جنسية بس لاء يا حبيبي ثقافة عمومًا أنتا فاكر أن ال بيتحرش ده بيتحرش عشان يطفي شهوته ؟ تبقي لمؤاخدة عبيط عارف ليه ؟؟ لأن المتحرش واثق أن ده مش هايخلي شهوتة تنطفي أبدًا.
.
يا حج الموضوع أكبر من كدا بكتير كتير جدًا الموضوع له أسس أعمق أساس ديني وثقافي وعادات وتقاليد وفكر عمومًا أنتا لخصت كل ده في الجنس بس ؟؟! ثم تعالي هنا أنتا ليه محسسني أن الموضوع سهل كدا ؟ ياخي ده لما بيتحرشوا بواحدة بيقولك بيتم تبرير الواقعة بإن لبسها ضيق !! يعني فين أم الحُرية ؟؟ طب تعالي بقي نُبص لأعمق نقطة ،، الدين تخيل بعد فترة حكم الإخوان ومجئ السيسي ولسه في أول فترة حكمة يعمل الخطوة دي أنتا ياعم بتتكلم إزاي ؟ تخيل الإخوان هايعملوا أيه ؟؟ تخيل أصلًا الوضع هايبقي إزاي ؟! طب بلاش دي تصدق ياعم الحج أن الموضوع ده لو أتعمل في مصر هايتم التحرُش ببيوت الدعارة نفسها ؟ تخيل مثلًا لو الليلة الحمراء ب 50 جنيه وفي مواطن مش معاة فلوس هايعمل أية ؟ يا أما هايتحرش بيهم يا أما هايسرق عشان يمارس الجنس.
.
الموضوع هايتحول بمصر لحرب أهلية يا أخي والله أنتا غريب جدًا.
.
آخر نقطة ودي مُهمة بالنسبالي، في مصر لو الموضوع مشي كدا " الجنس " هايكون مُجرد تجارة وسلعة وماحدش هايفكر في أنه رغبة ومشاعر إلخ.
.
لو راجل مشي جمب بيت دعارة ومراتة عرفت هاتفتكرة راح يخونها.
.
أخي الفاضل / بلاش تختار أصعب الحلول وتقولي ده حل أنا عارف اني دي حُرية ومؤمن كويس أوي بس روح بُص الأول شوف برا ثقافتهم عاملة إزاي وفكرهم إزاي وتعالي شوف مصر لو تم تطبيق الجزء ده فيها هاتكون إزاي.
.
أنا موافق على كلامك بس لما تنشرلي وعي وتفهم كل الناس يعني أيه كل الواحد يعمل ال هو عايزة وفي النهاية ربنا هو ال بيحاسب.
.
يا راجل ده أحنا بندخل الجنة والنار على مزاجنا "الحلال بين والحرام بين"