اخبار مصر :ناشط يكشف كارثة عن الطقس في مصر

تداول نشطاء علي مواقع التواصل الاجتماعي تدوينة منسوبة للناشط أحمد عبد الموجود كشف فيها عن عدد من الكوارث التي ستضرب مصر تلك السنة والسنوات القادمة بسبب الطقس . وقال عبد الموجود في تدوينة طويلة : شوية معلومات حقيقية بقى : 1. الشتاء ده ابرد شتاء من 100 عام .. المعلومة دي حقيقية ... و اتقالت الشتاء اللي فات علي الشتا اللي فات وكانت صحيحة برضه. وفي الحقيقة ال10 سنوات القادمة الشتاء في مصر هايكون من ابرد واقسى السنوات يمكن من 200 او 250 سنة فاتوا. والسبب ان مصر حلت محل جنوب ايطاليا مناخيا ... (المنخفض الجوي بقى عندنا احنا.. )
2. يعني ممكن نشوف درجات حرارة منخفضة تصل ل -3 و -5 في السنوات القادمة... والتلج (snow) والبرد (hail) هايبقي عندنا عادي.
3. اللي شوفتوه اليومين اللي فاتوا موجة باردة "خريفية" ... نلقاكم اخر الشهر (و اول السنة الجديدة) ... في الموجة الباردة الشتوية اللي بجد.
4. السنادي سنة سيول (السيول في مصر دورية... تحدث كل 8 -10 سنوات بنفس الشكل في نفس المناطق)... وانا قلت الكلام ده في ستاتس من شهر اغسطس.
5. الشتاء السنادي ممطر في 31 يوم (السنة اللي فاتت كان 20 يوم امطار فقط) .. عدا منهم 4 او 5 بس و البلد غرقت تماما.
6. اعتبارا من السنادي و السنين القادمة الشتا هايطول لحوالي 5 اشهر في السنة... و ال7 شهور الباقيين متقسمين صيف وربيع وخريف!!
7. السيول هي اكتر كارثة بيئية بتسبب الوفاة في العالم وفي مصر (مثال : زلزال 1992 مات 60 شخص غير المفقودين ... سيول 1994-1995 مات اكثر من90 شخص غير المفقودين) النتايج: - الدنيا برد و get over it... كفاية تمثيل.. عرفنا الدنيا برد قوي وان القهوة مع فيروز تحت البطانية بتديك لا مؤاخذة شعور رائع. - خبراء الكوارث البيئية عرفوا و حذروا مصر من الشتاء السنادي من 6 شهور (شهر يونيو) واحنا كنا مشغولين بتحديد اذا كانت دي ثورة ولا انقلاب.
- نفس الخبراء بيحذروا دلوقتي من كارثة اكبر وهي احتمال كبير لظهور امراض مثل الملاريا خصوصا في المناطق الشعبية نتيجة وجود كميات كبيرة من مياه الامطار سواء في الشارع او انها تدخل علي شبكة مياه الشرب.. خصوصا ان امكانيات مصر ام الدنيا واللي هاتبقي قد الدنيا ... من حيث شبكة الصرف ومخرات السيول و التعامل مع الازمات.. صفر... - انتشار او ظهور اي مرض من ده في مصر .. يعتبر مصيبة... (مثال : 90٪ من المصريين بقالهم 4 ايام ماستحموش... تخيلوا حجم العدوى). - كمية حوادث الطرق في مصر فظيعة من غير حاجة ... زود عليها الامطار والشبورة اللي بتنعدم فيها الرؤية تماما ... واحكيلي عن تصورك للشوارع والدائري والمحور وكدز. - الطقس ده من رياح و امطار ودرجة حرارة و شبورة بيحصل في اماكن كتير في العالم.. اروبا.. امريكا .. انجلترا ... بس بيبقوا مستعدين ... وبرضه بيحصل مشاكل ... واحيانا وفيات .. ما بالكم بقى بحي بولاق ولا اول فيصل.. - في دراسات على preventionweb.net و unisdr.org بتدرس اثر تغير المناخ ده علي الزراعة في مصر والشرق الاوسط و مواعيدها و انواع المحاصيل.. بس طبعا لسه مش هاتطلع نتائج الدراسات دي قبل سنة كمان. -نصيحتي ان كل واحد يخلي باله من نفسه و مايعتمدش علي الدولة دي في حاجة .. حيث انها وفرت (في ظل كل التنبيهات وكل الشواهد وكل الحركات) 25 سيارة شفط مياه فقط لتحل الازمة المحتملة... ليس بالدستور وحدة يحيا الانسان آسيسي . -الميزة الوحيدة في الموضوع ده ... ان معدلات التلوث قلت بنسبة تصل ل25٪ في القاهرة والمحافظات المحيطة ... طبعا كلنا عارفين القاهرة مشهورة بتلوثها و السحابة السودا والتراب و عوادم السيارات.... ومن المتوقع ان يصل جو القاهرة خلال سنتين تلاتة الي نفس نقاء جو اسكندرية.
المصريون