كشف مرتضى منصور رئيس الزمالك، موقف ادارة الزمالك من استمرار الجهاز الفني للفريق الاول لكرة القدم، من عدمه بقيادة محمد حلمي، مشيراً الى انه لن يتم اقالة الجهاز الفني الحالي، قبل الوقوف على الاسباب ولكنه أكد ان هناك تحقيق وعقوبات على الجهاز. وقال مرتضى منصور في المؤتمر الصحفي: احنا مش بنمشي اي جهاز، وفي عقوبات عليهم وتحقيق قبل اتخاذ اي قرار وكذلك خصم راتب 3 شهور والتبرع به في مشروع انشاء مسجد النادي للثواب لهم. وعدد منصور أخطاء الجهاز الفني الحالي، معتبرًاً استبعاد محمد كوفي وايمن حفني من لقاء المصري خطأ لا يغتفر للجهاز، وقال: "كل واحد من اللاعيبة أخد تاكس الفجر وسافروا اسكندرية بعد ما وافق حلمي، وحضرتك طلعتهم برة القايمة ليه وانت بتعاند مين .. وبرة الملعب مسئوليتنا واحنا اللي نقول ايقاف ولا مش ايقاف". وتابع: "بسألهم في المطار بعد مباراة انيمبا اخبار الفريق ايه، قالولي منعهرفش حاجة عن كوفي وحفني وقالوا اخد فلوسه ومشى". وواصل: "طلع كلامهم كدب وأنه مصاب .. وكوفي قال بقالي شهر بكلمهم كل يوم .. والموضوع لم يحل ولما قولتلهم هطلع لرئيس النادي قالولي هنتعاقب زي حازم امام أما طلعلي قبل كده". واضاف ان الجهازالفني عقب مباراة انيمبا طلب 1000 دولار مكافأة مثل اللاعبين، وهو ما قابله منصور بالرفض قائلاً: اللاعيبة هي اللي موتت نفسها في الملعب. وشدد رئيس الزمالك في حديثه للجهاز على أهمية مباراة المصري التي اعتبرها منصور لا تقل اهمية عن الأهلي.وقال: "ليلة المباراة وانا بطمن على الفريق فوجئت باستبعاد حفني وكوفي والجهاز كله قال بنعاقبه .. لا ديه مش صلاحياتهم .. وانا محتاج كل لاعب".