خاص بالفيديو .. مرتضى: أحمد عيد ابن حقيقي للزمالك وبقول لشيكابالا لم الواد بتاعك

تصوير سارة عبد الباقي:
أكد مرتضى منصور رئيس نادي الزمالك أن أحمد عيد عبدالملك، ابن حقيقي لنادي الزمالك، مشيرًا إلى أن والده كان صديقًا مقربًا له، وتابع: "عيد عقده كان كبير، وقعدنا معاه دقيقتين ووافق يمضي بربع عقده القديم، عشان هو ده الانتماء، مش كل شوية هروح الأهلي هروح الأهلي، اللى مش عايز الزمالك مع السلامة، زى محمد ابراهيم".
وأوضح مرتضى السر وراء توحيد عقود اللاعبين داخل الفريق الأول قائلًا: "عملنا كده عشان اللاعيبة كلها في الملعب تحب بعض، مش واحد بياخد 11 مليون ومسلط وكيله سمير عبدالتواب يحرض ويعمل مشاكل".
وتابع مرتضى: "هذا السمسار أفسد لاعبي الزمالك، وبقول لشيكابالا ما تلم الواد بتاعك، انت مش بتقول زملكاوي وبتحب الزمالك، متسيبش وكيلك يخرب النادي"، واختتم: "أحمد عيد نموذج لأبناء النادي المحترمين".