حصرياً بالفيديو .. من أطلق الرصاص على مرتضى منصور؟

تصوير سارة عبد الباقي:
روى مرتضى منصور رئيس نادي الزمالك تفاصيل جديدة، لمحاولة اغتياله التي وقعت فجر الأحد الماضي، أثناء خروجه من بوابة النادي، خلال المؤتمر الصحفي الذي عقده حيث قال: "واحد من العيال اللى كانوا بيراقبوا تحركاتي للأسف ابوه عميد في القوات المسلحة، عضو نادي محترم سمعهم واتقبض عليهم وراحوا القسم، الام جت باست الجزمة قدام الأعضاء وانهارت ابني مستقبله هيضيع".
وتابع مرتضى: "كانوا مترحلين على النيابة عشان يتحبسوا وأنا اللى كلمت المأمور يروحهم، ولما روحهم الأبهات جابوهملي على الباب، قولتلهم قولوا للعيال اللى مشغلينكم مرتضى منصور قاعد اهو على الباب واسالوهم انتم عايزين ايه؟".
وأضاف: "لما قولنا نعمل استمارات بالبطاقة عشان يحضروا الماتشات قالوا هيسلمنا لأمن الدولة، يبني ما انت اتحبست وانا اللى طلعتك"، واستكمل روايته للواقعة: "مفيش نص ساعة العيال مشيت بركب عربيتي، اضرب عليا 14 رصاصة، طب ليه؟ ايه الجريمة اللى انا ارتكتبها؟ مختلف معايا؟ في ايه؟ لاعب مثلا، قولى وانا اقنعك بيه، انما انت مش مختلف معايا في رياضة".
وتابع: "انت بلطجي مجرم، انت الدراع البلطجي بتاع الاخوان المسلمين، انت البلطجي بتاع محمد مرسي، انت قبضت وشبعت، ومفيش أمل فيك تبقى مشجع، واصبحت مريض، وبتضرب ابوك وامك".